Europako Erreferentzia Markoa - HABE

Rasch-en ereduaren alde ona da eskalak eta laginak era independentean neur daitezkeela, hau da,
analisian erabilitako proben edo galdetegien laginetatik bereizita. Eskalaren balioak konstanteak dira
geroko talde guztientzat, baldin eta geroko subjektu horiek populazio estatistiko beraren baitako talde
berritzat hartzerik badaude. Denboraren joanean gertatzen diren balio-aldaketa sistematikoak (adibidez,
kurrikuluan edo aztertzaileen formazioan aldaketak egin direlako) kuantifikatu eta egokitu egin
daitezke. Era berean, ikasle edo aztertzaile motetan gertatzen diren aldaera sistematikoak ere kuantifika
eta egoki daitezke. (Wrigth eta Masters, 1982; Lincare, 1989).
Rasch-en analisia era askotara aplika daiteke deskribatzaileak eskaletan sartzeko:
a) Rasch-en analisiarekin, teknika kualitatiboen saileko 6., 7., edo 8. tekniken datuak eskala aritmetikoan
jar daitezke.
b) Proba bereziak presta daitezke hizkuntz gaitasunaren deskribatzaileak item jakin batzuetan
bereziki eraginkorrak izan daitezen. Ondoren, item horiek Rasch-en analisiarekin mailaka daitezke,
eta horien balioak erabili deskribatzaileen zailtasun erlatiboa eskalan adierazteko (Brown
et al. 1992; Carroll, 1993; Masters, 1994; Kirch, 1995; Kirch eta Mosenthal, 1995).
c) Deskribatzaileak irakasleek ikasleak ebaluatzeko egiten dituzten galdetegietako item gisa erabil
daitezke (“Gai al da X egiteko”). Horrela, deskribatzaileak eskala aritmetiko batean zuzenean
mailakatuko dira, ebaluazio probako itemak item-sailetan mailakatzen diren bezala.
d) 3., 4., eta 5. ataletan aztertutako deskribatzaile-eskalak horrela garatu ziren. B, C eta D eranskinetan
agertzen diren hiru proiektuek Rasch-en metodologia erabili dute deskribatzaileak mailakatzeko
eta hortik eratorritako deskribatzaile-eskalak elkarren artean parekatzeko.
Eskalak garatzeko duen baliagarritasunaz gainera, Rasch-en metodoa ebaluazio-eskala bateko mailak
benetan nola erabiltzen diren aztertzeko ere erabil daiteke. Horrek asko lagun dezake idazketa
zehaztugabea, maila baten okerreko erabilera edo gehiegizko balorazioa nabarmentzen, baita berrikusketa
behar duen jakiten ere. (Davidson, 1992; Milanovich et al. 1996; Stansfield eta Kenyon, 1996;
Tyndall eta Kenyon, 1996).
2 3 3
Erreferentzia Markoaren erabiltzaileek kontuan hartu beharko dute, eta hala dagokionean,
zehaztu:
• Beren ebaluazio-sistemako notei zenbateraino ematen zaien esanahi bera definizio
bateratuen bidez.
• Lehen deskribatutako metodoetatik zein –edo zein beste metodo– erabiltzen diren
definizio horiek garatzeko.
Bibliografia hautatua eta komentatua:
Hizkuntz gaitasunen eskalak
Alderson, J. C. 1991: Bands and scores. In: Alderson, J. C. eta North, B. (arg.): Language testing in
the 1990s Londres: British Council / Macmillan, Developments in ELT, 71-86.
Helburuak eta orientazioa nahasteak sortzen dituen arazoak eta IELTSen ahozko adierazpenaren
eskalen garapena aztertzen ditu.