Europako Erreferentzia Markoa - HABE

1. Ikaslearen autoebaluazioa eta irakaslearen ebaluazioa: deskribatzaileak enuntziatu positiboak
eta independenteak badira, ikaslearen autoebaluaziorako edo irakasleak ebaluazioa egiteko
kontrol-zerrendetan sar daitezke. Baina eskala gehienen deskribatzaileak era negatiboan
emanak dira beheko mailetan, eta arauari erreferentzia egiten diote eskalaren erdialdean. Era
berean, mailen arteko bereizketa ahozko bereizketa soila izaten da sarritan; hurrenez hurreneko
deskribatzaileetan hitz bat edo bi soilik aldatzen dira, eta zentzua galtzen dute eskalen testuingurutik
ateraz gero. Arazo horiek saihesteko deskribatzaileak nola gara daitezkeen aztertzen da
A eranskinean.
2. Saioaren edo jardueraren ebaluazioa: gaitasunen alderdiez diharduten 5. kapituluko deskribatzaile-eskalen
erabilera agerikoagoak ebaluazio-irizpideak garatzeko abiapuntuak eman ditzake.
Norberaren usteak –ez sistematikoak– epai bihurtuz gero, deskribatzaile horiek aztertzailetalde
bateko kideentzako Erreferentzia Marko Bateratua garatzen lagun dezakete.
Funtsean, deskribatzaileak hiru eratara aurkez daitezke ebaluazio-irizpide gisa erabili ahal
izateko:
• Lehenik eta behin, deskribatzaileak eskala moduan ezar daitezke, sarritan kategoria desberdinetako
deskribatzaileak konbinatuz maila bakoitzerako paragrafo orokor bat emanez.
Joera hori oso zabalduta dago.
• Bestetik, kontrol-zerrenda moduan eman daitezke, maila bakoitzerako zerrenda bat, oro
h a r, izenburuen azpian multzokatutako deskribatzaileekin, hots, kategorietan bilduta.
Kontrol-zerrendak ez dira hainbeste erabiltzen une jakin bateko ebaluazioan.
• Azkenik, kategoria hautatuen zerrenda moduan eman daitezke, kategoria bakoitzerako
eskala paraleloen multzo baten modura. Ikuspegi horri jarraituz, diagnosi-profila zehatz daiteke.
Hala ere, aztertzaileak erabil ditzakeen kategoria-kopurua mugatua da.
Azpieskalen koadro edo zerrenda bat emateko bi era daude:
• Gaitasun-eskala: hainbat kategoriatarako maila egokiak definitzeko, A2 eta B2 adibidez,
profil-zerrenda moduan aurkezten da. Ebaluazioa maila horiei begira egiten da zuzen-zuzenean,
ebaluazioa doitzeko edo hobetzeko beste sistema batzuk erabiliz sarritan, adibidez,
bigarren digitua edo batuketaren zeinua, nahi izanez gero mailetan bereizketa gehiago egiteko.
Horrela, nahiz eta saioaren proba B1 mailarako izan, eta ikasle bakar batek ere ez izan
B2 maila, oraindik ere litekeena da ikasle onenek B1+, B1++ edo B1.8 maila lortzea.
• Neurketa-eskala. Kategoria bateko modulu edo azterketa jakin bat gainditzeko eskatzen
den maila edo araua deskribatzen duten kategoria bakoitzerako deskribatzaile bat aukeratzen
edo definitzen da. Deskribatzaile horri “Gainditua” edo “3” esaten zaio, eta maila
horretarako estandarra edo arauzkoa da eskala (oso saio kaskarra = “1”; saio bikaina = “5”).
“1” eta “5” formulazioa 5. kapituluan dagokion atalean agertzen den eskalako hurrenez
hurreneko mailetatik ateratako edo horietara egokituriko beste deskribatzaile batzuetatik ere
atera daiteke; “3” gisa definitutako deskribatzailearen erredakzioaren arabera ere formula
daiteke.
2 0 3
9.2.3. Probetan eta azterketetan hizkuntz gaitasunaren mailak deskribatzea, elkarren
arteko konparazioak egin ahal izateko
Erreferentzia maila bateratuen eskalen helburua indarrean dauden diploma eta agirietarako gaitasun-mailaren
deskribapena egiten laguntzea da, horrela, sistemen arteko konparazioa egiteko aukera
izateko. Neurketari buruzko azterketek diotenez, bost era klasiko daude elkarretatik bereiz egindako