Europako Erreferentzia Markoa - HABE
Europako Erreferentzia Markoa - HABE
Europako Erreferentzia Markoa - HABE
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
3 0<br />
• Arloa gizarte-eragileek diharduten gizarte-bizitzako sektore-sail zabala da. Hemen, goragoko<br />
sailkapen bat erabili da, eta hizkuntzaren ikaskuntzarako, irakaskuntzarako eta erabilerarako<br />
egoki diren kategoria nagusiak bakarrik hartu dira kontuan: hezkuntza-arloa, lan-arloa, arlo<br />
publikoa eta arlo pertsonala.<br />
• Estrategia gizabanakoak bere buruari jartzen dion edo bete behar duen ataza bat gauzatzeko hautatzen<br />
duen jarduera-ildoa da, jarduera-ildo antolatu, berariazko eta arautua.<br />
• Ataza gizabanakoak emaitza jakin bat lortzeko beharrezko jotzen duen berariazko ekintza da,<br />
arazo bati irtenbidea emateko, egiteko bat betetzeko edo helburu jakin bat lortzeko. Definizio<br />
horren baitan ekintza asko sar daitezke; adibidez, armairu bat mugitzea, liburu bat idaztea, kontratu<br />
baten negoziazioan baldintza jakin batzuk lortzea, karta-jokoan aritzea, jatetxe batean jatekoa<br />
eskatzea, atzerriko hizkuntza bateko testu bat itzultzea edo eskolan talde-lanean egunkari bat<br />
egitea.<br />
Aipatu berri diren alderdi horiek hizkuntzaren erabilera- eta ikaskuntza-molde guztietan elkarri<br />
lotuak direla onartzen badugu, orduan, honako alderdi hauekin guztiekin lotuta egongo da, nolabait,<br />
hizkuntza erabiltzeko edo ikasteko ekintza oro: estrategiak, atazak, testuak, gizabanakoaren gaitasun<br />
orokorrak, komunikazio-gaitasuna, hizkuntz jarduerak, prozesuak, testuinguruak eta arloak.<br />
Era berean, ikaskuntzan eta irakaskuntzan, litekeena da helburua, eta, beraz, ebaluazioa, osagai edo<br />
azpiosagai jakin batean oinarrituak izatea (orduan, gainerako osagaiak helburu bat lortzeko baliabide<br />
izango dira; edo beste une batean gehiago sakondu beharreko alderdiak; edo egoera horretarako desegokiak).<br />
Ikasleek, irakasleek, ikastaroen diseinatzaileek, material didaktikoaren egileek eta azterketak prestatzen<br />
dituztenek ezinbestean dute zerikusia prozesu horrekin, hots, alderdi jakin bati heltzeko eta gainerako<br />
alderdian zein neurritan eta nola kontuan hartu erabakitzeko prozesuarekin. (Hori guztia aurrerago<br />
azalduko da, adibideen bitartez).<br />
Nolanahi ere, garbi dago, irakaskuntza- eta ikaskuntza-programei sarritan egozten zaien helburua<br />
komunikazio-trebetasuna garatzea izan arren (agian horixe delako ezaugarririk adierazgarriena ikuspegi<br />
metodologikotik begiratuta), programa batzuk saiatzen direla hizkuntz jarduerak atzerriko hizkuntzan<br />
era kualitatiboan eta kuantitatiboan garatzen; beste batzuek arlo jakin bati buruz dihardutela;<br />
beste batzuek gaitasun orokor batzuk lantzen dituztela; eta, azkenik, beste batzuek estrategiak hobetzeko<br />
apustua egiten dutela. “Dena lotuta dago” esateak ez du adierazi nahi helburuak bereizi behar ez<br />
direnik.<br />
Aurrez proposatu diren kategoria nagusi horietako bakoitzean azpikategoria batzuk bereizten dira,<br />
horiek ere oso zabalak, baina aurreragoko kapituluetan aztertuko ditugu. Orain, gaitasun orokorren,<br />
komunikazio-gaitasunaren, hizkuntz jardueren eta arloen osagaiak bakarrik aztertzen ari gara.<br />
2.1.1 Gizabanakoaren gaitasun orokorrak<br />
Hizkuntza baten ikasle edo erabiltzaileen gaitasun orokorrak (ikus 5.1. atala) ezagutza, trebetasuna,<br />
gaitasun existentziala eta ikasteko gaitasuna dira.<br />
Ezagutza, hots, ezagutza deklaratiboa (savoir, ikus 5.1.1. atala), esperientziatik (ezagutza enpirikotik)<br />
eta ikaskuntza formalago batetik (ezagutza akademikotik) eratorritako ezagutza dela esan daiteke.<br />
Gizabanakoen arteko komunikazioa denok munduaren ezagutza bera izatetik sortzen da.