Download - islamic education panel

havikuwepo baada ya kutokea mfarakano na wanakundi
kutawanyika kwa uadui na uhasama. Mifarakano hii katika vikundi
hutokea pale baadhi ya wanakundi walipoona hawapati maslahi
yao waliyoyatarajia. Tusithubutu kuanzisha vikundi ambavyo
vitaruhusu wanafiki kuingia kwa urahisi na kutufarakanisha kabla
hatujafika popote na kutufanya tushindwe kufikia lengo.
Wanakundi hawana budi kuwa ni wale wenye sifa zinazostahiki
ikiwa ni pamoja na kulifahamu vyema lengo la harakati.
Tuwe macho sana na wanafiki wenye kudai kuwa
wanasimamisha Uislamu kumbe wana ‘malengo mengine.’ “Hawa
ndio wavurugaji wakubwa wa harakati za Kiislamu.”
(b) Kufanyiana Wema
Udugu na upendo utakaoleta mshikamano na ushirikiano
kati ya wana kundi utakuwepo pale kila mwanakundi
atakapojizatiti katika kuwatendea wenzake wema. Kutendea
wengine wema ni jambo pana linalohusu mambo mengi ikiwa ni
pamoja na kuhurumiana na kusaidiana wakati wa shida na
matatizo, kupeana zawadi mara kwa mara, kukaribishana na
kutembeleana mara kwa mara, kujumuika pamoja katika furaha na
misiba, kutembelea wagonjwa, kupeana salaam na
kuchangamkiana kila mkutanapo.
Kufanyiana wema ni jambo la msingi linaloleta na kupalilia
upendo miongoni mwa Waislamu na wanaadamu wote kwa ujumla
na limepewa msisitizo mkubwa katika Uislamu. Hivyo, udugu na
upendo utakaoleta mshikamano kati ya wanakundi utakuwepo
pale tu kila mwanakundi atakapojizatiti katika kuwatendea
wenzake wema. Kuwatendea wengine wema ni jambo pana
linalohusu mambo mengi ikiwa ni pamoja na:
87