Download - islamic education panel

Uongozi wa Kitwaghuti husimamia batili na dhulma na
matokeo yake ni kuenea ufisadi katika ardhi. Uongozi wa
kitwaghuti hufanya ufisadi huku ukijitangaza kuwa unasimamia
amani, usalama na maendeleo ya watu. Tabia hii ya uongozi wa
Kitwaghuti Allah (s.w) anaiweka wazi katika aya zifuatazo:
Na wanapoambiwa: “Msifanye uharibifu ulimwenguni” Husema
“Sisi ni watengezaji.”(2:11)
Hakika wao ndio waharibifu, lakini hawatambui. (2:12)
Sifa za kiongozi wa kiislamu
Katika Uislamu kiongozi hachaguliwi kwa kufanya kampeni
ya kuomba kura kwa mujibu wa Hadith zifuatazo:
"Abdul-Rahmaan bin Sanurah(r.a) amesimulia kuwa Mtume wa
Allah amesema: usiombe uongozi kwa sababu utakapo pewa
uongozi kwa kuomba utaachiwa peke yako jukumu la uongozi, na
kama umepewa bila kuomba utasaidiwa katika uongozi huo."
(Bukhari na Muslim)
Katika Hadith nyingine aliyosimulia Abu Mussa, Mtume
(s.a.w) amesema:-
"Hatumchagui kwenye uongozi huu yeyote anayeomba wala
hachaguliwi yule aliyemroho wa uongozi". (Bukhari na Muslim)
Katika Uislamu mtu huwa kiongozi kwa kuchaguliwa na watu
na kubebeshwa jukumu hili kwa ajili ya Allah:
190