Download - islamic education panel

haikuweka mipango inayoonesha inataka ifikie malengo gani
katika kipindi cha miaka mitano ijayo, ni wazi kuwa miaka hiyo
mitano itapita bila ya kufanyika lolote na bila kuhisi vibaya
kwamba hakuna mafanikio yaliyopatikana, kwani tangu hapo
hapakuwa na malengo ya kufanya lolote. Lakini jaalia kwa mfano,
waumini wa msikiti wa Mwanza Mabatini wanampango wa kuwa
na (a) Shule safi ya awali, (b) Zahanati yenye kuendeshwa kwa
maadili ya Kiislamu na (c) Mfuko wa fedha wa kuwasaidia vijana
na akina mama wa Kiislamu kuanzisha biashara ndogo ndogo
katika kipindi cha miaka mitano. Ni lazima viongozi na waumini
watahangaika kuhakikisha malengo hayo yanafikiwa. Kwa kuwa
na mpango huu zitapatikana faida zifuatazo:
(i) Waumini watakuwa na kigezo cha kupima utendaji wa
viongozi wao kama wanafaa au laa.
(ii) Waumini hawatapoteza muda wao, nguvu na mali zao
katika mambo yasiyowapelekea kwenye lengo na watajua
nguvu na uwezo wao kuliko kubakia kila siku katika
nadharia.
(iii)Aidha, ni katika utekelezaji wa malengo yaliyowekwa
watafahamika Waislamu wa kweli (watekelezaji) na wale
washabiki tu wa kupiga takbira zisizo na utendaji.
Aina ya mipango
(1) Mipango ya muda mfupi
- Utekelezaji wake huchukua mwaka 1 -3
- Utekelezaji wake pia huchangia kufikia malengo ya mpango
wa muda mrefu.
(2) Mipango ya muda mrefu:
- Utekelezaji wake huchukua zaidi ya miaka 3
- Hugawanywa katika mipango ya muda mfupi mfupi
171