Download - islamic education panel

Kwa nini ni muhimu kusimamisha Uislamu katika
Jamii ?
Kusimamisha Uislamu kumefaradhishwa kwa waumini ili
yapatikane yafuatayo:
(i) Waumini waweze kumuabudu Allah (s.w) ipasavyo.
(ii) Kuleta amani ya kweli katika jamii.
(iii) Waumini waweze kuamrisha mema na kukataza maovu.
(iv) Kuikinga jamii na majanga mbali mbali.
(i) Waumini kuweza kumuabudu Mola wao
ipasavyo
Allah (s.w.) amewaumba majini na watu kwa lengo moja tu la
kumuabudu
“Sikuwaumba majini na watu ila wapate kuniabudu.” (51:56)
Kumuabudu Allah (s.w.) kwa mnasaba wa lengo la kuumbwa
watu, ni watu kuishi katika kila kipengele cha maisha yao kwa
kufuata baraabara kanuni, sharia na mwongozo wa Allah (s.w.).
Kimantiki Allah (s.w) ndiye pekee anayestahiki kuabudiwa au
kutiiwa na binaadamu kwa unyenyekevu katika kukiendea kila
kipengele cha maisha yake ya kibinafsi na kijamii kwa kuwa yeye
ndiye aliyemuumba binaadamu na maumbile yote yaliyomzunguka
pamoja na kumtunukia neema mbali mbali kama tunavyojifunza
katika aya zifuatazo:
14