Download - islamic education panel

linapoteleza na kwenda nje ya lengo. Kundi linaweza kujikuta
halipati matunda yaliyokusudiwa pamoja na nia yake safi, lengo
sahihi na muelekeo sahihi wa kuliendea lengo, kutokana na
makosa yaliyojiingiza bila ya kung’amuliwa na kurekebishwa.
Hivyo ili kundi la Harakati liepukane na makosa yanayojipenyeza
mara kwa mara katika harakati, halina budi kuwa na utaratibu
maalumu wa kukosoana kwa mwanakundi mmoja mmoja na kundi
lote kwa ujumla.
Katika kukosoana inatakiwa kuchukua tahadhari kubwa,
kwani endapo patafanyika kosa katika kufanya kazi hii,
inawezekana ikawa ni sababu ya kuharibu zaidi kuliko
kutengeneza. Kukosoa kuepukane kabisa na sura ya
kudhalilishana, kudharauliana, kulaumiana, kuvunjiana heshima,
n.k. Kukosoana kuwe kwa nia ya kumrejesha mwanakundi au
kundi lote kwenye njia sahihi ya kuliendea lengo baada ya
kuridhika kuwa mwana kundi au kundi kwa ujumla, linakwenda
kinyume kidogo na lengo. Mkosoaji hana budi kuonesha huruma
na upendo kwa huyo anayemkosoa na hana budi kutumia lugha
nzuri na hekima kubwa katika kumkosoa. Mkosoaji mwenye nia
nzuri kabisa, asiyetumia lugha nzuri na hekima, huweza kuingiza
doa jeusi katika kundi na kudhoofisha mshikamano wa kundi na
hatimaye kulifarakanisha. Pamoja na nia yake njema, mkosoaji
huyu asiyetumia hekima na lugha nzuri katika kukosoa, hana
tofauti na wale wanao wakosoa wenzao kwa kuwazulia makosa ili
tu wawadhalilishe na kuwavunjia hadhi na heshima yao ili wao
waonekane kuwa ndio bora na wanaofaa zaidi.
Kwa upande mwingine mwenye kukosolewa kwa nia njema
na kwa utaratibu unaotakikana awetayari kukosolewa na
kujirekebisha kwa moyo mkunjufu. Mwenye kukosolewa kwa nia
njema hana budi kuona kuwa amefanyiwa ihsani na mkosoaji kwa
kumrudisha katika njia sahihi ya kuendea lengo. Mkosolewaji
anatakiwa amuone ndugu yake anayemkosoa kama kioo ambacho
103