Download - islamic education panel

Tumeeleza awali kuwa Mtume (s.a.w) aliondoka Madinah
kwenda Makkah kufanya Umra, lakini Maquraish wakamzuia.
Kufanya Umra japo ni Ibada lakini haikuwa ndio jambo la
kistratejia la kuufanya Uislamu usimame, kwa kujua hilo Mtume
(s.a.w) alikuwa tayari kuikosa Umra hiyo lakini ajenge mazingira
ya kumwezesha kuufikisha ujumbe wa Uislamu kwa watu.
Je, ni wangapi miongoni mwetu, wenye mtizamo huo?
Hatufarikiani katika Misikiti na taasisi kwa tofauti ndogo tu
ambazo tangu hapo hazina msaada wowote katika kulifikia lengo?
Jumuiya ngapi zimesambaratika kutokana na migogoro isiyokuwa
na msingi?
Uoni na Mwelekeo (Vision na Direction)
Katika kuweka mipango, ni lazima kwanza mtu ajue
analolenga kufikia na njia anayokusudia kupita. Tunakolenga
Waislamu ni kusimamisha Uislamu katika jamii. Mwelekeo na njia
tunayopita ni ile ya kuwaelimisha Waislamu wakaijua na kuifuata
Qur-an katika kila kipengele cha maisha yao. Darasa za Misikitini
zinazoratibiwa vizuri, madrasa za watoto na watu Wazima, shule za
msingi na sekondari za Kiislamu, uchapishaji na usambazaji wa
vitabu na kadhalika ni katika njia za kutupeleka tunakokusudia
kufika. Aidha programu kama kuandaa mihadhara, semina,
itikafu, na kuanzisha taasisi za Kiislamu za kushughulikia mambo
mbali mbali ni miongoni pia mwa njia za kuendea kwenye lengo.
Kuwa na uoni huu ni muhimu kwani wakati mwingine watu
waweza kufanikiwa kuwa na vitu kama shule safi za watoto
(Chekechea) au sekondari za Kiislamu wakidhani ndio wamefika.
Akili zao na juhudi zao zote zikaishia kuziangalia shule hizo,
wasiwe na mpango mwingine wa kusonga mbele. Au watu waweza
kuwa na utaratuibu wao mzuri wa kutoa mihadhara, kuendesha
Itikafu na kadhalika wakaona imetosha. Na madhali hawazuiliwi
na mamlaka yoyote kufanya shughuli hizo wakatosheka, bila
kufikiria kwamba:
184