Download - islamic education panel

waislamu wa Madina walikuwa huru kutembelea Makka na
kufanya Da’awah. Maingiliano haya yalipelekea watu wengi sana
kusilimu wakiwemo majemedari wa Kiquraish, Khalid bin Walid
na Amr al-‘As na Suhail bin Amri(aliye saini mkataba)
Kwa upande mwingine hali ya amani ilimpa fursa Mtume
(s.a.w) kulingania Uislamu kwa watu wa karibu na wa mbali. Ni
katika kipindi hiki Mtume (s.a.w) alituma wajumbe kwa watu
mbali mbali wakiwemo watawala na wafalme. Matokeo ya kazi
hiyo ni watu wengi sana kusilimu hata ikabidi baadaye Maquraish
wavunje mkataba.
Baada ya maelezo hayo, hebu tujiulize maswali yafuatayo:
(1) Nini lilikuwa lengo kuu la Waislamu?
(2) Nini ulikuwa mpango au jambo la kistratejia kwao kwa
wakati ule?
Lengo kuu lilikuwa kusimamisha Uislamu
Jambo muhimu(strategic Issue) walilokuwa nalo Waislamu
ilikuwa ni kuufikisha ujumbe wa Uislamu kwa watu. Lakini hali ya
vita na uhasama ilikwamisha kazi hiyo. Kwa hiyo ili mpango huu
wa kistratejia wa kufikisha Uislamu kwa watu ufanikiwe, ilibidi
Waislamu wanunue amani kwa gharama yoyote. Ndio ukaona
Mtume (s.a.w) hakujali kutokutajwa yeye katika mkataba kama
Mtume. Aidha alikubali kifungu cha tano cha mkataba japo
kilionekana kuwadhalilisha Waislamu na akawa tayari kuacha Abu
Jandal arudishwe Makkah.
Asingekuwa Mtume (s.a.w) anaangalia na kupanga mambo
yake kistratejia angeng’ang’ania mkataba umtaje kama Mtume wa
Allah au kufutwa kwa kipengele cha 5 ambapo maafikiano
yasingefikiwa. Lakini kwa kuangalia mbali alikuwa tayari
kusamehe au kutoa muhanga baadhi ya mambo kwa ajili ya faida
kubwa zaidi.
183