Download - islamic education panel

Enyi mlioamini! Je! Nikujulisheni biashara itakayokuokoeni
na adhabu iumizayo? (Basi biashara yenyewe ni hii):
Muaminini Mwenyezi Mungu na Mtume wake, na piganieni
dini ya Mwenyezi Mungu kwa mali zenu na nafsi zenu, haya
ni bora kwenu; ikiwa mnajua (kuwa ni bora, basi fanyeni).
(Mkifanya haya) Atakusameheni dhambi zenu na
atakuingizeni katika Mabustai yapitayo mito mbele yake na
(atakupeni) maskani mazuri mazuri katika Bustani za milele:
huku ndiko kufuzu kukubwa. Na (atakupeni) kingine
mnachokipenda: Nayo ni nusura itokayo kwa Mwenyezi
Mungu na ushindi ulio karibu! Na wapashe habari njema
Waislamu.” (61:10-13)
Mwanaharakati wa Kiislamu daima ayaweke mbele malipo
haya ya hakika na asifanye kazi hii kwa kutaraji malipo mengine
yoyote isipokuwa hayo.Anatakiwa ajitumbukize kwa dhati katika
biashara hii aliyotangaziwa na Allah(s.w) kwa mali yake na nafsi
yake.
Pia akumbuke usia huu kutoka kwa Mola wake.
“ Wala usiwafanyie watu ihsani ili upate kujikithirishia. (74:6)
71