Download - islamic education panel

Faida za kushauriana
Kuna faida nyingi zinazopatikana kutokana na kushauriana
kwa kila uamuzi unaohusu shughuli za kundi la Harakati na faida
mbili zifuatazo ziko wazi:
Kwanza, kushauriana hutoa fursa kwa kila mwanakundi
kutoa mawazo yake juu ya uendeshaji wa shughuli za Da’wah.
Mchango wa mawazo kutoka kwa kila mwanakundi kutauwezesha
uamuzi juu ya utekelezaji wa jambo, uwe ni wa hakika zaidi. Kwani
kila mtu ana kipaji chake ambacho hakipo kwa mwingine - akili ni
nywele kila mmoja ana zake.
Pili, kwa kumpa kila mwanakundi nafasi ya kutoa ushauri
wake juu ya jambo, uamuzi utakao fikiwa utakuwa ni wa kundi na
kila mwanakundi atakuwa tayari kutekeleza kwa moyo mkunjufu
maamuzi yaliyofikiwa. Hata utekelezaji ukiwa mgumu kiasi gani,
hakuna atakayeona kuwa amepachikwa jukumu asiloafikiana nalo.
Bali kila mwanakundi ataifanya shughuli yoyote atakayopewa mpaka
aione hatima yake.
Masharti ya kushauriana
Katika kushauriana yafuatayo ni muhimu yazingatiwe.
Kwanza, kila mmoja anatakiwa awe huru kutoa maoni yake juu
ya jambo linalojadiliwa bila ya kusita wala kuficha chochote. Mawazo
yake yasiathiriwe na upendeleo wala chuki.
Pili, baada ya uamuzi kutolewa kutokana na kuzingatia mawazo
ya kila mtu wale waliokuwa na maoni tofauti na uamuzi uliotolewa
unaotokana na maoni ya wengi, hawana budi kwa moyo mkunjufu
kukubaliana na uamuzi wa wengi hata kama hawajabadilisha mawazo
yao.
Tatu, uamuzi au maoni ya wengi hayataangaliwa kama
yamekiuka Qur’an na Sunnah.
101