Download - islamic education panel

Ikumbukwe kuwa mwaka 1990 Padre mmoja wa Kanisa
Katoliki aliomba Bakwata imruhusu awasomeshe watoto wa
madrasa Qur’an na lugha ya Kiaarabu, ili waweze kusoma kwa
muda mfupi kabisa. Bakwata walikataa. Kwa sababu watoto wa
Kiislamu hawawezi kufundishwa dini yao na mtu anayeichukia na
kuipiga vita dini hiyo.
Leo, yale yale waliyoyakataa Bakwata wakati ule yanafanyika
tena kwa shangwe na vifijo. Swali: Hivi kwanini leo Wamarekani
wanaowauwa Waislamu wenzetu huko Afghanistan, Iraq na
Palestina wakawa ndio wafadhili pekee wa madrasa huko Zanzibar
kwenye asilimia 99 ya Waislamu? Kwanini makafiri hawa
wanafanikiwa? Al-jawab. “Wamefuata zile kanuni za maadili
ya kibinadamu” tulizozitaja hapo juu. Watu hawawezi kuijua na
kuifuata Qur’an kwa sababu tu sisi tunatamani, na ilhali hatupo
tayari kutumia mali zetu, nafsi zetu, wakati wetu na juhudi zetu
kuhakikisha hilo linafanyika. Huko Zanzibar, USAID
imekwishatumia mamilioni ya shilingi ili kufikia malengo yake.
(ii) Maadili ya Kiislamu
Maadili ya Kiislamu ni yale yale ya kibinaadamu isipokuwa
kinachobadilika ni mwelekeo na matumizi ya maadili hayo.
Maadili ya kibinaadamu yanapoongozwa na Tawhiid na yakawa
lengo lake wakati wote ni kupata radhi za Allah (s.w) basi yatakuwa
ni maadili ya Kiislamu. Maadili ya Kiislamu yanakuwa ni bora zaidi
kwa sababu wakati wote yanatumika katika kusimamisha uadilifu
katika jamii.
Kanuni ya Allah kuhusu uongozi katika jamii
Kanuni aliyoiweka Allah (s.w) kuhusu nani wawe viongozi
katika jamii ni hii:
Uongozi wa watu katika jamii siku zote huchukuliwa na wale
watu ambao wamechanganya maadili ya kibinadamu na yale ya
Kiislamu. lkiwa hakuna wenye sifa hiyo basi uongozi utakwenda
kwa wale wenye maadili ya kibinaadamu, hata kama hawatakuwa
34