Download - islamic education panel

Nne, kila mwanakundi hutekeleza shughuli kama ilivyoamuliwa
na Shura.
Tano, kikao chochote baada ya shura, dhidi ya maamuzi ya
shura ni unafiki na ni haramu.
4. Nidhamu
Sifa nyingine muhimu ya kundi la Harakati ni nidhamu. Kundi
la Harakati ili lifanikiwe ni lazima liwe na nidhamu ya hali ya juu. Kila
mwanakundi anawajibika kuwa na nidhamu na utii wa hali ya juu.
Ahudhurie popote anapotakiwa, ahudhurie bila ya kukosa na katika
muda uliopangwa; atekeleze majukumu yake yote kwa kufuata
utaratibu uliowekwa na muda uliopangwa; ashirikiane na wenzake
bega kwa bega katika shughuli waliyopangiwa pamoja na kumtii
kiongozi wake kila atakapomuelekeza vilivyo katika kuendea lengo.
Pia kundi lenyewe linatakiwa liwe na nidhamu ya hali ya juu.
Kundi la Harakati halina budi kuwa na uongozi imara
unaoeleweka; liwe na mipango mizuri na imara ya muda mfupi na
muda mrefu na njia au hatua za utekelezaji ziwe wazi. Utekelezaji
wa mipango ya kundi hauna budi kufanyika mara moja baada tu ya
uamuzi kupitishwa. Kundi la Harakati linatakiwa liongee kwa
vitendo zaidi kuliko maneno. Kundi lijiepushe na kutangaza
mipango yake kabla ya kuitekeleza. Ushabiki na kujionyesha ni
sumu kubwa kwa kundi la Harakati.
Udhibiti wa siri zote zinazohusu kundi la Harakati na
shughuli zake ni kipengele muhimu mno cha nidhamu.
Mwanaharakati hatatoa siri za harakati kwa yoyote asiyehusika.
5. Kukosoana kwa nia njema na kwa njia nzuri
Sifa nyingine muhimu inayotakikana ipatikane katika kundi
la Harakati ni hii ya kujikosoa na kukosoana kwa nia ya
kujirekebisha na kurekebishana pale mwanakundi au kundi zima
102