Download - islamic education panel

Aya hizi zinasisitiza kuwa mtu akizama kitaaluma katika fani
mbali mbali za elimu ya Mazingira anayakinisha kuwepo Allah
(s.w) kwa upeo mkubwa.
(vi) Kukosoa Nadharia Potofu
Mfumo wa elimu wa Kikafiri upo pale kwa lengo la
kuwaongoza watu kutoka kwenye nuru (Uislamu) na kwenda
kwenye giza (Ukafiri) – Qur’an (2:257). Kwa kujua hili Mwalimu
Muislamu awe makini katika kufuata mitaala ya kitwaghuti iliyopo
pamoja na vitabu vya kiada vya masomo mbali mbali.
Pale ambapo katika vitabu vya kiada imetumika mifano au
vielelezo vinavyokwenda kinyume na Uislamu, Mwalimu
Muislamu hanabudi kuubainisha na kuukosoa upotofu ule na
kutoa mifano au vielelezo mbadala vyenye muelekeo wa Kiislamu.
Kwa mfano katika mitaala ya mfumo wa elimu wa Tanzania,
katika somo la Historia, inafundishwa nadharia ya Charles Robert
Darwin inayodai kuwa asili ya mwanaadamu ni Sokwe. katika
kufundisha mada hii ya “asili ya mwanaadamu” (The Origin of
Man), Mwalimu Muislamu hanabudi kukosoa nadharia hiyo kwa
kutumia hoja na kisha kuonesha asili sahihi ya mwanaadamu kwa
kurejea Qur’an.
Pia historia ya Tanzania bara na visiwani imepotoshwa ili
mchango wa Uislamu na Waislamu wakupigania uhuru usionekane
badala yake ionekane kuwa ukoloni uliombatana na ukristo ndio
uliowaokoa watanzania kutokana na utumwa ulioendeshwa na
waaarabu waliokuwa ni waislamu.
216