Download - islamic education panel

(iii) Kufafanua mada kwa aya au Hadith
Mwalimu Muislamu anawajibika kuzibaini aya za Qur’an na
Hadithiza Mtume (s.a.w) zinazolandana na kila mada ya somo
lake. Kwa mfano, Mwalimu wa “Biology” anapofundisha mada ya
“Cell” ya wanayama na ya mimea na kuonesha kuwa asilimia 75%
ya sehemu za “cell” ni maji, ni vema akalithibitisha hilo kwa aya
ifuatayo:
“Je! Hawakuona wale waliokufuru ya kwamba mbingu na ardhi
vilikuwa vimeambatana, kisha tukaviumbua (Tukavipambanua).
Na Tukafanya kwa maji kila kitu kilicho hai. Basi je,
hawaamini?” (21:30).
Aya hii inasisitiza kuwa kila kitu kilicho hai kimeumbwa na
Allah(s.w) kutokana na maji.
Takriban kila mada kuu tunayoisoma katika elimu ya
mazingira (Biology, Chemistry, Physics, Geography, History,
Lugha, Biashara, Siasa, n.k.), ina aya ya Qur’an au Hadith
inayoifafanua.
(iv) Kutoa na kutumia mifano na vielelezo vya
Kiislamu.
Mwalimu Muislamu ajijengee tabia ya kutumia vielelezo na
mifano hai ya maisha ya Kiislamu katika kukazia mada
anayoifundisha pale panapohitaji mifano au vielelezo. Kwa mfano
Mwalimu wa Hisabati anayefundisha mada ya “Uwiano” (ratios),
atoe mifano na maswali ya kugawa Mirath kwa wenye mafungu;
kama vile:
214