Download - islamic education panel

ambao utawaelekeza na kuwafanya watu wafuate utaratibu
anaouridhia Allah(s.w)katika kukiendea kila kipengele cha maisha
na hatimaye kupatikana utulivu na amani ya kweli katika jamii.
Katika kuweka mikakati ya kuhuisha Uislamu katika jamii hatuna
budi kwanza kuwa na Waislamu walio waumini wa kweli.
Waumini wa kweli watapatikana kwa kutoa elimu sahihi ya
Uislamu kwa Waislamu na wasiokuwa Waislamu. Baada ya watu
kupata elimu sahihi juu ya Uislamu, watakaokhiyari kuwa
Waislamu, wataudhihirisha Uislamu wao kibinafsi na kijamii.
Pamoja na hali ya hatari iliyokuwepo katika kipindi cha mwanzo
wa utume cha kwanza kuulingania Uislamu Makka, Mtume
(s.a.w), baada ya kuwadarasisha Maswahaba pale Darl-Arqam, na
kuwapa tafsiri sahihi ya Shahada katika maisha ya kila siku, mara
moja wakaanza kutekeleza. Rejea tena maelezo ya Ja’affar kwa
Mfalme Najash wa Uhabeshi. Ili kuweza kupata jamii ya Waislamu
wa aina hii ni lazima tuanze kuandaa wanaharakati watakaokuwa
walimu na mfano wa kuigwa kinadharia na kimatendo. Juzuu hii
inaainisha maandalizi haya na yakifuatiliwa vilivyo Inshaa-Allah,
itakuwa ndiyo sababu ya kuhuisha na kusimama uislamu katika
jamii yetu ya Tanzania na ulimwengu na kwa ujumla.
(xii)