Download - islamic education panel

kumkashifu maiti huyo eti wanatoa heshima za mwisho! Hapana
shaka yote hayo wamewaiga wakristo.
Imefikia hadi mwezi wa Ramadhani badala ya Muislamu
kumfuturisha Muislamu mwenzake kama alivyosisitiza sana
Mtume (s.a.w) huwafuturisha wakristo ambao hawakufunga kana
kwamba hakuna Waislamu waliofunga.
Na katika kuhakikisha kuwa tunawafuata wakristo katika
kila jambo, yupo Muislamu mmoja tena Al-haj, akafikia hadi
kujipa jukumu la kuandaa karamu ya kusherehekea Noeli na yeye
ndiye aliyewaalika Wakristo waende kula sikukuu! Kwa sababu ni
kiongozi maarufu, picha yake ikawekwa ukurasa wa mbele wa
gazeti la Sunday News! Hayo ni mafanikio ya maadui ambao
Waislamu wamehadharishwa nao lakini hawasikii.
Mfano mwingine wa mikakati yao tunauona katika mpango
wa kuhujumu Uislamu ulioandaliwa katika ile semina ya Nairobi
ya Septemba 23, 1989.
Semina hiyo ambayo ilikuwa na mada moja kuu – “Kukabiliana
na Uislamu” ilihudhuriwa na washiriki 989 toka mikoa yote ya Kenya
isipokuwa mkoa wa Pwani (Mombasa).
Msemaji Mkuu katika semina hiyo alikuwa Prof. Hafkean
ambaye ni Profesa katika mambo ya Kiislamu Afrika na muanzilishi
wa “Miradi ya Kiislamu Afrika” (Islam Projects in Africa).
Profesa Hafkean alizungumza kwa kirefu imani na tabia za
Waislamu na namna Wakristo wanavyoweza kuwavuruga Waislamu
nchini Kenya. Katika jumla ya mikakati aliyoibainisha Profesa
Hafkean iliyoandaliwa kupambana na Uislamu ni pamoja na:
(i) Kwamba wadhamini wa chuo Kikuu cha Daystar Nairobi
wametenga kiasi cha Paundi Milioni 56 sawa na kiasi cha
shilingi 1.97 bilioni kuwasaidia vijana wa Kiislamu wanaoritadi.
146