Download - islamic education panel

Sura ya Saba
UONGOZI BORA KATIKA HARAKATI
ZA KIISLAMU
Nani Kiongozi ?
Kiongozi ni yule anayewaelekeza watu kuendea lengo husika
bila ya kutumia nguvu au yule anayewatoa watu pahala na
kuwafikisha pahala pengine panapotarajiwa na wote bila ya
kutumia nguvu. Katika mchakato wa uongozi, kiongozi bora
huelekeza, hufafanua na huhamasisha watu waongoze
kuendea njia sahihi itakayowafikisha pahali tarajiwa.
Nani mtawala ?
Mtawala ni yule anayetumia nguvu kuwatoa watu pahali na
kuwapeleka anakotaka yeye kwa manufaa yake au ya kikundi
kidogo cha watawala wenzake.
Dhana ya uongozi kwa mtazamo wa Uislamu.
Katika Uislamu, kila muislamu anawajibika kuwa kiongozi:
(i) Kila muislamu anawajibika kuwa Da'iyah ambaye
analazimika kujua namna ya kumuongoza mtu
mmoja mmoja,familia, taasisi, n.k.
(ii)Mtume (s.a.w) ameweka bayana kuwa kila muislamu ni
kiongozi kwa mujibu wa Hadith ifuatayo:
"Abdullah bin Umar(r.a) amesimulia kuwa Mtume wa Allah
amesema: "kila mmoja ni mchunga(kiongozi) na kila mmoja
ataulizwa juu ya wale aliowaongoza. Imamu (kiongozi wa jamii)
ni mchunga wa watu anaowangoza na ataulizwa juu
yao,mwanaumume ni kiongozi wa familia yake na ataulizwa juu ya
watu wa familia yake. Mwanamke ni malikia wa nyumba ya mume
wake na watoto na ataulizwa juu ya vitu hivyo. Sikilizeni! Hakika
187