Download - islamic education panel

Pia ni wajibu kwa Waislamu kuingilia kati na kusuluhisha
wawili waliogombana kama tunavyoamrishwa katika Qur-an:
Na ikiwa makundi mawili katika Waislamu wanapigana,
basi fanyeni suluhu baina yao, na ikiwa moja la hayo
linamdhulumu mwenziwe, basi lipigeni lile linaloonea
mpaka lirudi katika amri ya Mwenyezi Mungu. Na kama
likirudi, basi yapatanisheni baina yao kwa uadilifu. Na
hukumuni kwa haki.Hakika Mwenyezi huwapenda wanao
hukumu kwa haki (49:9).
(vi) Kushirikiana pamoja katika furaha na misiba
Miongoni mwa wema unaojenga udugu na upendo miongoni
mwa watu ni mtu kumpendelea mwenziwe lile analolipenda na
kuchukia lisimfikie mwenziwe lile analolichukia. Aidha Waislamu
wanalazimika kujumuika na Waislamu wenzao kwenye sherehe na
furaha na kushiriki nao pia kwenye misiba na huzuni.
(vii) Kuzuia vinavyodhuru visimfikie mwenzio
Pamoja na Muislamu kuchukia baya lisimfike Muislamu
mwenziwe, pia Muislamu atumie juhudi kadri ya uwezo wake
kuzuia kwa hali na mali mabaya yasimfike Muislamu mwenziwe.
Tunajifunza msisitizo wa jambo hili katika Hadith ifuatayo:
Abu Barzata (r.a) ameeleza: “Nilisema: ‘Ee Mtume wa
Allah! Nifundishe jambo ambalo litaninufaisha”. Alisema
(Mtume): “Ondoa vitu vibaya (kama vile miba uchafu, n.k.)
katika njia ya Waislamu”. (Muslim).
91