Download - islamic education panel

(xxv)Huwavunja moyo na kuwakatisha tamaa waumini wa
kweli ili wawe makafiri sawa na wao.
(xxvi)Hufanya hiyana katika mambo ya kheri na kuchagua
mambo mepesi mepesi.
(xxvii)Wanawaogopa na kuwachelea watu zaidi kuliko Allah(s.w)
(xxviii)Hushirikiana na Makafiri, Washirikina, Mayahudi
na Wakristo dhidi ya Uislamu na Waislamu.
Wanafiki ni kundi la hatari zaidi kuliko makundi mengine ya
maadui kwa sababu ni kundi lililo miongoni mwa Waislamu. Hili
ndilo kundi linalotumika kufarakanisha Waislamu. Kwa mfano
ukirejea historia, utaona kuwa Dola ya Kiislamu aliyoiasisi Mtume
(s.a.w) na kuendelezwa na Abubakar (r.a) ‘Umar (r.a)
ilisambaratishwa na kikundi cha Wanafiki kilichoongozwa na
Abdullah bin Sabaa na kupelekea kuuliwa kwa ‘Uthman (r.a) na
Ally (r.a) na kuiacha jamii katika mgawanyiko wa makundi ya
Waislamu yaliyohasimiana na kutwangana wao kwa wao.
Kutokana na hatari ya kundi hili, Allah (s.w) analikamia adhabu
kali zaidi kuliko ile ya makafiri wengine katika aya ifuatayo:
“Bila shaka Wanafiki watakuwa katika tabaka ya chini
kabisa katika Moto. Hutamkuta kwa ajili yao msaidizi
(yoyote)”. (4:145).
Sheitwaani
Maadui wote waliotuzingira – makafiri na washirikina,
Mayahudi na Wakristo na wanafiki – ni maadui wa wazi. Shetani
ni adui aliyejificha na daima anapania kumpoteza mwanaadamu
na njia ya Allah (s.w) kwa njia ya ushawishi na ulaghai. Iblis,
kiongozi wa Mashetani, alimlaghai hata baba yetu Adam (a.s) na
mama yetu Hawa, mpaka wakamuasi Mola wao. Allah (s.w)
anatutahadharisha juu ya adui yetu huyu katika aya zifuatazo:
157