Download - islamic education panel

katika jamii. Kila shughuli anayoifanya katika harakati za maisha yake
ya kila siku iwe na lengo la kumuwezesha kusimamisha Uislamu na
kuufanya uwe juu ya mifumo mingine yote ya maisha. Hili ndilo lengo
kuu la kuletwa Mtume (s.a.w) kama inavyobainishwa katika Qur’an:
Yeye ndiye aliyemleta Mtume wake kwa uongofu na Dini ya
haki, ili aijaalie kushinda dini zote ijapokuwa watachukia
washirikina (9:33,61 :9)
5. Kutarajia malipo kutoka kwa Allah (s. w) tu.
Mwanaharakati wa Kiislamu hana budi kulifahamu vema
lengo hili kuu la kusimamisha Uislamu katika jamii na awe na
yakini kuwa kwa kuliendea lengo hili anafanya biashara na Allah
(s.w) kama inavyobainishwa katika Qur’an:
Mwenyezi Mungu amenunua kwa waumini nafsi zao na mali
zao ili naye awape pepo. Na wanapigana katika njia ya
Allah. Wanaua na wanauawa. Hii ndiyo ahadi
aliyojilazimisha (Mwenyezi Mungu) katika Taurati,Injili na
Quran.Na ni nani atekelezaye zaidi ahadi kuliko Mwenyezi
Mungu? Basi furahini kwa biashara mliyofanya naye. Na
huko ndiko kufuzu kuliko kukubwa.(9: 111)
70