Download - islamic education panel

Makafiri na Washirikina.
Tunajifunza katika Qur-an kuwa makafiri na Washirikina
daima wako mbioni katika kutaka kuizima nuru ya Allah (s.w) na
wanachukia mno kuuona Uislamu unasimama kama
zinavyobainisha aya zifuatazo:
Wanataka kuizima nuru ya Mwenyezi Mungu kwa vinywa
vyao, na Mwenyezi Mungu atakamilisha nuru yake,
ijapokuwa makafiri watachukia.(61:8)
Yeye ndiye aliyemtuma Mtume wake kwa Uongofu na kwa
dini ya haki ili kuifanya ishinde dini zote japo washirikina
watachukia. (61:9)
Kwa nini Makafiri na Washirikina wanachukia kuuona
Uislamu unasimama katika jamii? Sababu Uislamu unaamrisha
mema na kukataza maovu katika jamii na unasimamisha haki.
Makafiri na washirikina kwa kufuata matashi ya nafsi zao, huzuia
mema na huamrisha maovu na wameunda mifumo ya maisha
ambayo humfanya kila mwenye uwezo mkubwa wa kiafya, kielimu,
kiuchumi, kimadaraka; amdhulumu mwenye uwezo mdogo. Ni
kwa msingi huu, tunafahamishwa katika Qur-an kuwa katika
historia yote ya mwanaadamu, walioongoza katika kuupiga vita
Uislamu ni viongozi wa jamii za kikafiri na kishirikina.
134