Download - islamic education panel

Kutokana na aya hizi, Uislamu ni mwepesi kuujua kwa
anayetaka kuujua na pia ni mwepesi kuutekeleza kwa kuwa ni dini
nayolandana na maumbile binaadamu:
“Basi uelekeze uso wako katika Dini iliyo sawasawa – ndilo
umbile Mwenyezi Mungu alilowaumbia watu: (yaani Dini hii ya
Kiislamu inawafikiana barabara na umbo la binaadamu). Hakuna
mabadiliko katika maumbile ya viumbe vya Mwenyezi Mungu.
Hiyo ndiyo Dini iliyo haki, lakini watu wengi hawajui” (30:30).
Yapo mambo kadhaa yakizingatiwa yatamuwezesha
Muislamu kuujua Uislamu kwa usahihi na kuutekeleza kwa wepesi.
Baadhi ya mazingatio hayo ni haya yafuatayo:
(i) Kujiwekea ratiba ya kujisomea Maarifa ya Uislamu.
(ii) Kusoma kwa lengo kwa kufuata Mtaala.
(iii) Kusoma kwa njia ya mjadala (Darasa Duara).
(iv) Kujiunga na Elimu ya Kiislamu kwa Posta(E.K.P)
(v) Kusoma Qur’an kwa mazingatio.
Kuweka ratiba ya kujisomea.
Watu kwa kujua thamani ya elimu ya mazingira hujipinda
katika kuitafuta, hutoa gharama kubwa na kutumia muda mwingi.
Elimu ya Mwongozo ambayo ndiyo dira ya maisha ya
binaadamu ya hapa duniani na akhera inapaswa iwe na thamani
kubwa zaidi kwani elimu ya mazingira bila ya kufuata mwongozo
wa Allah (s.w) huangamiza badala ya kunufaisha.
Pamoja na ukweli huu Waislamu waliowengi hufanya
jitihada ndogo sana katika kujifunza Uislamu na mara nyingi
hawapati nafasi kabisa. Kwa kujua thamani ya kusoma elimu ya
mwongozo kwa ajili ya Allah (s.w) hatunabudi kusoma kwa
201