Download - islamic education panel

Na lau kama tungalifanya Qur’an kwa lugha isiyo ya
Kiarabu wangalisema: “Kwa nini Aya zake
hazikupambanuliwa? Lo! Lugha isiyokuwa ya Kiarabu na
(Mtume) Muarabu! (Mambo gani haya)!” Sema: “Hii
(Qur’an) ni uwongofu na poza kwa wale walioamini; na
wale wasioamini umo uzito katika masikio yao; na hiyo
(Qur’an) ni giza kwao. (Hawasikii. Kama kwamba) hao
wanaitwa, na hali ya kuwa wako mbali kabisa. “ (41:44)
Kwa mnasaba wa ujumbe wa aya hii, nasi watu
watatushangaa kuwafikishia ujumbe wa Uislamu kwa lugha
wasiyoifahamu. Mtume (s.a.w) mwenyewe aliwahimiza
maswahaba zake alipowatuma kutoa Da’awah kwa watu mbali
mbali wasiokuwa waarabu kuwa wajifunze lugha zao na
wawafikishie ujumbe wa Uislamu kwa lugha zao. Hivyo watu
kutokuwa waarabu au kutojua kiarabu isiwe sababu ya kuwafanya
wasifikiwe na ujumbe sahihi wa Uislamu.
6. Kujadiliana na watu kwa namna iliyo bora
Mlinganiaji anatakiwa atumie lugha ya upendo na mvuto
itakayoweza kuvuta nyoyo na usikivu wa watu anaowalingania.
Asiwalazimishie watu ujumbe bali awavutie kwa kutoa hoja zenye
mashiko madhubuti kama Allah (s.w) anavyo tuelekeza:
“Hakuna kulazimishwa (mtu kuingia) katika dini. Uongofu
umekwisha pambanuka na upotofu. Basi anayemkataa
twaaghuut na akamwamini Mwenyezi Mungu, bila shaka yeye
ameshika kishiko chenye nguvu kisichovunjika. Na Mwenyezi
Mungu ni Mwenye kusikia, Mwenye kujua. “(2:256)
131