Download - islamic education panel

9. Kuwa na Hekima
Kama ilivyo kwa mwanaharakati binafsi, kundi la Harakati
linalazimika kuendesha Harakati kwa hekima, kwa kufanya
mambo ya sawasawa yanayolandana na Qur’an na Sunnah, kwa
namna ya sawa sawa kwa wakati wa sawa sawa katika mazingira
muafaka.
Vile vile ni katika hekima kwa kundi la Harakati kuyafahamu
vyema matatizo yanayoikabili jamii ya Waislamu hata isiweze
kusimamisha Uislamu, kuchukua njia sahihi ya kuyatatua, kwa
kuzingatia wakati na mazingira.
Kundi la Harakati litakapojitahidi kwa kadiri
itakavyowezekana kusifika kwa sifa hizi tisa(9),hapanashaka kwa
taufiiq ya Allah(s.w),litakuwa lile kundi aliloagiza Allah(s.w)
(Qur’an 3:104) lililoweza kulingania kheri, kuamrisha mema na
kukataza mabaya katika jamii.
Kuanzisha kundi la harakati kama alivyofanya
Mtume(s.a.w)
Tukirejea historia tunaona kuwa Mtume (s.a.w) kabla ya
Utume aliandaliwa Ki-il-hamu tangu utotoni na alipambika na
tabia njema isiyo na mfano wake katika jamii yake. Alipopewa amri
ya kulingania Uislamu alianza na familia yake, kisha kwa marafiki
na jamaa zake wa karibu. Wale walioukubali Uislamu katika jamaa
na rafiki zake hao nao waliulingania Uislamu kwa familia zao,
rafiki na jamaa zao wa karibu. Mtume (s.a.w) alianzisha darasa
duara la kuwafunza Uislamu kinadharia na kimatendo wale wote
waliosilimu katika nyumba ya Bwana Arkam bin Abi-Arqam.
Darasa hili la Mtume (s.a.w) lilizaa kundi madhubuti lililokuwa
chachu ya kusimamisha Dola ya Kiislamu iliyofanya Dini ya Allah
(s.w) kuwa juu ya mifumo yote ya maisha katika kipindi cha miaka
23 tu. Hivyo kwa kufuata Minhaji hii ya Mtume (s.a.w), tutaanzisha
kundi la Harakati lililo madhubuti kwa kufuata Hatua zifuatazo:
108