Download - islamic education panel

Na watasema wale waliofuata laiti tungeliweza kurudi
(duniani) tukawakataa kama wanavyotukataa. Hivi ndivyo
Mwenyezi Mungu atakavyowaonyesha vitendo vyao kuwa
majuto yao, wala hawatakuwa wenye kutoka motoni. (2:167).
Mbinu za wanafiki.
Wanafiki kwa mujibu wa Qur’an ni wale watu wanaojiita
Waislamu kinadharia lakini kimatendo mwenendo wao ni sawa na
ule wa Mayahud, Wakristo, Makafiri, Washirikina na Mashetani
kulingana na mazingira na maslahi ya kidunia. Hawa, pamoja na
kujiita Waislamu si Waislamu kama Allah (s.w) anavyobainisha
katika Qur’an:
“Na katika watu, wako (wanafiki) wasemao: ‘Tumemwamini
Mwenyezi Mungu na Siku ya Mwisho’ na hali ya kuwa wao
si wenye kuamini. Wanatafuta kumdanganya Mwenyezi
Mungu na wale walioamini, lakini hawamdanganyi ila nafsi
zao; nao hawatambui”. (2:8-9).
Tabia ya wanafiki na mbinu zao katika kuuhujumu Uislamu
na Waislamu zimeelezwa kwa kirefu katika Qur’an katika aya na
sura mbali mbali na imeshushwa sura maalum ya wanafiki –
“Suratul-Munaafiquun”.
155