Download - islamic education panel

mipango yenye kupelekea kufikia lengo kuu la kusimamisha
Uislamu katika jamii.
(xi) Utegemezi kwa Allah (s.w)
Kiongozi na wale anaowaongoza wawe na tabia ya
kumtanguliza Allah (s.w) kwa kila walifanyalo kwa kumtegemea
yeye na kuchunga maamrisho na makatazo yake.
(xii) Msimamo katika Kuendea Lengo
Kiongozi wa Kiislamu anatakiwa awe na msimamo thabiti
katika kuendea lengo na wala asisukumwe na maslahi binafsi iwe
ya vitu au sifa. Kiongozi asiyeyumbishwa na maslahi binafsi
hujijengea mazingira ya kuaminika hivyo kupata watu wengi zaidi
kwa kushiriki katika kazi ya Da’awah.
(xiii) Mwenye kuzingatia maelekezo ya Shura
Ni muhimu kwa kiongozi wa Kiislamu kuzingatia maelekezo
ya shura katika uongozi wake. Asimamie utekelezaji wa maamuzi
ya shura na pale maamuzi hayo yatakapokuwa hayatekelezeki,
ayarudishe kwenye shura.
(xiv) Mwenye Kujiamini
Kiongozi wa Kiislamu anatakiwa awe na uwezo wa kujenga
mazingira ambayo yatamruhusu kila mtu kutoa mawazo yake kwa
uhuru. Hili haliwezi kupatikana iwapo kiongozi hajiamini.
Kiongozi atajiamini iwapo atadumu katika Ucha-Mungu na
uadilifu.
(xv) Uwezo wa Kuainisha Matatizo na Kuyatafutia
Ufumbuzi
Kiongozi ni lazima awe na uwezo wa kutambua matatizo
yanayoikabili jamii yake. Hili ni muhimu kwa sababu kulitambua
tatizo ni hatua muhimu sana katika kuendea utatuzi wake. Hatua
hii huanza kwa kulifafanua tatizo. Katika kuainisha tatizo ni
197