Download - islamic education panel

inavyostahiki katika kukiendea kila kipengele cha maisha yake ya
kibinafsi na ya kijamii na kumuwezesha kusimamisha Uislamu
katika jamii. Ili kufikia lengo hili hatunabudi:
1) Kuusoma Uislamu kama mfumo wa maisha unaohusiana
na maisha ya mtu binafsi, familia na jamii kwa
ujumla.Yaani Muislamu anatakiwa awe na maarifa na
ujuzi utakao muwezesha kuishi Kiislamu kama mtu
binafsi, kama mwanafamilia na kama mwana jamii.
2) Kufuata minhaji/mtaala utakaotuwezesha kuufuata
Uislamu wote – Qur’an (2:208), ulioandaliwa kwa
kuzingatia mwongozo wa Qur’an na Sunnah na mazingira
ya jamii husika.Kwa hapa Tanzania tuna Mihutasari ya
Maarifa ya Uislamu kuanzia ngazi ya Elimu ya awali hadi
Vyuo vya Ualimu na Vyuo Vikuu.Pia tuna muhutasari wa
“darasa la watu wazima” unao wakilishwa na juzuu saba (7).
3) Kusoma kila mada ya Muhtasari kwa lengo la kuiingiza
katika utendaji ikiwa ni pamoja ya kuifikisha(kuifundisha)
kwa wengine.
Kusoma kwa njia ya Mjadala (darasa duara).
Baada ya kila mtu kujisomea mwenyewe ni vema ajumuike
na wenzake katika Darasa Duara.Darasa Duara linaendeshwa kwa
mtindo wa semina ambapo kuna mchokoza mada kisha
wanasemina/wanadarasa wote hupata fursa ya kutoa michango
yao fikra juu ya mada iliyojadiliwa au kuuliza maswali ili kupata
kuielewa vizuri mada.Baada ya mada kueleweka vizuri wanadarasa
hupitisha maazimio ya utekelezaji kisha uongozi wa darasa
hufuatilia utekelezaji wa maazimio hayo.Katika darasa linalofuatia
jambo la kwanza, kabla ya kuanza mada mpya, ni kutathmini
utekelezaji wa maazimio ya darasa lililopita. Ni vyema darasa
duara lifanyike angalau mara moja kwa wiki kwa muda
usiopungua saa tatu.
204