Download - islamic education panel

ya kuufuata Uislamu katika maisha yao ya kila siku na hatimaye
kuusimamisha katika jamii, bali pia amekamiwa na Mola wake
kupata adhabu iumizayo.
“Enyi Mlioamini! Mbona (kwanini) mnasema
msiyoyatenda? Ni chukizo kubwa mbele ya Mwenyezi
Mungu kusema msiyoyatenda” . (61 :2-3)
2. Kuwepo Kundi la walinganiaji lenye sifa
stahiki
Kazi ya kulingania na kusimamisha Uisiamu katika Jamii, ni
jukumu zito, kama tulivyoona katika Qur’an(73:5), hivyo inahitajia
kuwa na nguvu za pamoja. Mitume wa Allah (s.w) pamoja na
kuandaliwa na kuletewa Wahyi, hawakuweza wenyewe kuulingania
na kuusimamisha Uislamu katika jamii, bali walisaidiana na
waumini waliowakubali. Tangu mwanzo wa Utume Wake, katika
kipindi cha Makka, Mtume (s.a.w) alishirikiana mno na waumini
wa mwanzo kuulingania Uislamu kiasi kwamba katika kipindi cha
miaka mitatu ya mwanzo (ya kulingania kwa siri), Uislamu ulifika
katika kila kaya ya kabila la Quraish. Pia Mtume (s.a.w) kwa
kushirikiana na Waumini ulinganizi wa Uislamu ulitanuka kwa
kasi kikubwa sana baada ya Mkataba wa Hudaybiya pale Mtume
(s.a.w) alipowakusanya waumini na kuwahutubia kama ifuatavyo:
“Enyi Watu! Allah amenituma kuwa Rehema kwa
Wanaadamu na kuwa Mtume wa Ulimwengu mzima. Kwa
hiyo linganieni Uislamu kwa niaba yangu na Allah
atakurehemuni. Kwa hiyo nakuusieni msifarikiane kama
(watu wa) Isa mwana wa Maryamu”.
121