Download - islamic education panel

yalionekana mazuri mbele za watu wa jamii yake. Kwa mfano
katika umri wa ujana wake aliazimia mara mbili kuhudhuria
mikesho ya ngoma za harusi za rafiki zake wawili lakini Allah (s.w)
alimwepusha na mikesha hiyo kwa kumpa usingizi mzito mpaka
asubuhi kwa safari zote mbili.
Tangu utotoni mwake Mtume (s.a.w) alichukia sana Ibada ya
masanamu. Hakupata kuhudhuria hata mara moja ibada za
masanamu wala hakupata kula kilichoandaliwa kwa ajili ya
masanamu. Moyo wake pia ulichukia maovu yote mengine
yaliyofanywa matendo ya kawaida na watu wa jamii yake kama vile
ulevi, uzinifu, uchezaji kamari, ulaji riba, udhalimu, ulaji wa
vyakula vya haramu, n.k.
Tangu utotoni mwake, Muhammad (s.a.w) alisifika kwa kila
sifa nzuri zilizobainishwa katika Qur’an. Bibi ‘Aisha (r.a)
alipoulizwa juu ya tabia ya Mtume (s.a.w) alijibu kuwa tabia yake
ni Qur’an. Yaani Mtume (s.a.w) amejipamba na vipengele vyote vya
tabia njema vilivyobainsihwa katika Qur’an tangia utotoni mwake.
Qur’an yenyewe katika miongoni mwa aya zake za mwanzo
mwanzo kushuka, inamsifu Mtume (s.a.w) kwa tabia yake tukufu:
“Na bila shaka unatabia njema kabisa” (68:4)
Aya hii haielezi kuwa tabia yake ilikuwa njema tu pale
alipopata utume bali inaashiria kuwa tabia yake njema anayo tangu
utotoni mwake. Muhammad (s.a.w) tangu utotoni mwake tumeona
kuwa alikuwa mpole, mtulivu, mwenye huruma, mwenye haya na
mwenye sifa zote nzuri zilizowapendeza watu na kuwavutia.
Alikuwa mashuhuri Bara Arab nzima kwa ukweli na uaminifu
wake. Alikuwa mkweli mno mpaka akapewa jina la “As-Sadiq” –
“mkweli” na alikuwa mwaminifu mno mpaka akapewa jina la Al-
Amin. Muhammad (s.a.w) alikuwa haitwi ila kwa jina la As-Sadiq
44