Download - islamic education panel

wema na wacha-Mungu, daima atajiona kuwa hajafanya wema
wowote wa kumfanya ahisi kuwa bora kuliko wengine.
Tumehimizwa katika Qur-an (83:26) tushindane katika mema na
tuharakie mambo mema. Wala tusitosheke kwa mema machache
tunayoyafanya.
7. Kujiepusha na Ria
Ria ni ugonjwa mwingine unaoweza kumtoa mtu katika
Uislamu na kumtumbukiza katika ushirikina na unafiki.
Muislamu anatakiwa afanye kila kitendo chema kwa ajili ya Allah
(s.w) kwa matarajio ya kupata malipo kutoka Kwake tu na wala
asifanye wema ili kujionyesha kwa watu. Mtu anayefanya wema
kuwaonyesha watu, hayuko tayari kufanya wema pale ambapo
hapana watu wa kumuona au kumsifu. Muislamu anatakiwa
akumbuke daima kuwa yuko pamoja na Allah (s.w) kila wakati,
naye ndiye mlipaji kwa kila analolifanya na anayajua hata yale ya
siri yaliyoko katika nafsi yake.
Kundi la Harakati halina budi kujiepusha na kujiweka mbali
na ria. Halina budi kufanya mambo yake kwa siri kila
iwezekanavyo. Ikibidi Mwanaharakati au kundi la Harakati lifanye
shughuli zake hadharani, halina budi kujizuia na hisia za kujioa na
kujitukuza kwa kutangaza mazuri yake linaloifanyia jamii.
Katika juhudi za kujiepusha na ria, kila Mwanaharakati
ajitahidi kuficha amali zake njema ambazo hazina lazima ya
kuonekana. Kila mara Mwanaharakati atathmini hisia zake kuwa
anafurahia na kupanda kichwa anaposifiwa na watu wakati
inapobidi afanye wema hadharani, au anafurahia zaidi akifanya
amali zake bila ya kuonekana na watu? Iwapo Mwanaharakati
atagundua kuwa nafsi yake inapendelea kusifiwa na watu, basi
ajirudi haraka na kutubia kwa Mola wake. Hali kadhalika, iwapo
Mwanaharakati atakuwa hafanyi vizuri shughuli zake njema
anapokuwa faraghani kama anavyozifanya akiwa hadharani,
ajirudi haraka na kujihesabu kuwa amefanya ria na atubu haraka
kwa Mola wake.
106