Download - islamic education panel

Na Manabii wangapi walipigana na maadui, na pamoja nao
kulikuwa na watakatifu wengi.Hawakulegea kwa yale
yaliyowasibu katika njia ya -Mwenyezi Mungu, wala
hawakudhoofika wala hawakudhalilika.Na Mwenyezi
Mungu anawapenda wafanyao subira (3: 146)
Mnadhani kuwa mtaingia Peponi, na hali hamjajiwa na
mfano wa (yale yaliyowajia) wale waliopita kabla yenu?
Yaliwapata mashaka na madhara na wakatetemeshwa sana
hata Mitume na walioamini pamoja nao wakasema:
“Nusura ya Mwenyezi Mungu itafika lini?” Jueni kuwa
nusura ya Mwenyezi Mungu iko karibu. (2:214).
Je! Mnadhani mtaingia Peponi, hali Mwenyezi Mungu
hajawapambanua wale waliopigania dini ya Mwenyezi Mungu
miongoni mwenu, na kuwapambanua waliofanya subira?
(Sharti yaonekane kwanza haya hapa ulimwenguni). (3:142).
(v) Kuwa mvumililivu juu ya maudhi ya kila namna
yanayotolewa na maadui wa Uislamu. Historia inatuonesha kuwa
maadui wa Uislamu kabla hawajafikia hatua ya kuuzuia Uislamu kwa
nguvu, huanza mapambano yao kwa maneno ya kashfa na dharau na
kueneza propaganda za uongo dhidi ya Uislamu na Waislamu. Kwa mfano
74