Download - islamic education panel

Uongozi wa Allah (s.w)
Allah (s.w) huwaongoza waumini kupitia vitabu vyake
pamoja na kauli na matendo ya Mitume wake.
“Kwa hakika Tuliwapeleka Mitume wetu kwa dalili wazi wazi na
Tukaviteremsha vitabu na uadilifu pamoja nao, ili watu
wasimamie uadilifu…” (57:25)
Uongozi wa Allah (s.w) huwatoa watu kutoka kwenye maisha
ya ukafiri na ushirikina yaliyozingirwa na maovu ya namna mbali
mbali na dhuluma (maisha ya giza) na kuwapeleka kwenye
maisha ya uadilifu ambapo kila mtu hupata haki yake. Haya ndiyo
maisha ya Uislamu ambayo yamezingirwa na furaha na amani.
Haya ndiyo maisha ya Nuru.
Uongozi wa Kiislamu unaofuata mwongozo wa Allah (s.w)
huvielekeza vipawa, nguvu, mali na muda wa waumini vitumike
katika kumuaudu Allah (s.w) katika nyanja zote za maisha ndani ya
saa 24 kwa lengo la kuwanufaisha viumbe wote. Hili ndilo kusudio
kuu la uongozi wa Kiislamu ambalo Allah (s.w) analibainisha kwa
kumfahamisha Mtume (s.a.w).
“Na hatukukutuma ila uwe Rehema kwa viumbe vyote. (21:107)
Uongozi wa Twaghuti
Uongozi wa Kitwaghuti hupatikana katika mifumo ya maisha
au dini zilizobuniwa na watu. Uongozi wa Kitwaghuti msingi wake
hasa ni maoni na mapendekezo ya watu wanaokanusha kuwepo
kwa Allah (s.w) na Siku ya Malipo.
189