Download - islamic education panel

Nu’maan bin Bashir (r.a.) ameeleza kuwa Mtume wa Allah
amesema: “Mfano wa yule asiyekemea maovu na yule
anayefanya maovu ni sawa na watu wanaosafiri kwenye
meli. Wengine wako katika sehemu ya juu na wengine wako
chini. Walioko chini hupata maji kutoka kwa walio juu, na
kwa hiyo walikuwa wakiwasumbua sumbua (kwa kuwataka
wawape maji kila wanapohitajia), hivyo waliamua kutoboa
sehemu ya chini ya meli. Kisha wale wa juu waliwajia na
kuwauliza, “Imekuwaje (mbona mnatoboa meli)?” Walijibu,
“Mmetusumbua (na maji yenu) kwa hiyo tumeona hapana
namna nyingine ya kupata maji ila kutoboa tundu yaingie.”
Kama (wale wa juu) watawakataza wasiendelee na kitendo
hicho (cha kutoboa meli) watakuwa wamewaokoa wale wa
chini na kujiokoa wao wenyewe. Vinginevyo, wakiwaachia
waendelee kutoboa watakuwa wamejiangamiza wao
wenyewe pamoja na hao wenye kutoboa.” (Bukhari).
Ugumu wa kusimamisha Uislamu katika Jamii
uko wapi?
Tumekwishaona umuhimu wa Uislamu kuyaongoza maisha
ya binaadamu katika sura zake zote. Tumezingatia pia nini maana
ya kusimamisha Uislamu katika jamii; lengo la kuletwa mitume
duniani; na wajibu wetu wa kuhakikisha kuwa siku zote jamii
inaongozwa na mafundisho yaliyoletwa na mitume wa Allah (s.w).
lkiwa yote hayo tunayajua na kuyakubali, kwanini hatujaweza
kuusimamisha Uislamu katika jamii yetu? Ugumu uko wapi.?
Kushika mamlaka ya dola na kuyatumia hayo kutekeleza
maamrisho ya Allah (s.w) ni kazi inayohitaji jitihada kubwa,
kujitolea mali na nafsi kwa kiwango kikubwa sana na subira. Kwa
sababu ya ugumu wa kazi yenyewe, baadhi yetu tumetafuta njia za
mkato au nyepesi za kuikwepa kazi hiyo huku tukijidanganya kuwa
tunaifanya kazi hiyo. Hivi sasa Waislamu tumegawanyika katika
makundi makubwa matatu.
26