Download - islamic education panel

(6) Makabila ya Waarabu yatakuwa huru kufanya itifaki
(urafiki) na upande wowote ule yanayoupendelea.
(7) Pasiwe na vita kwa kipindi cha miaka 10 baina ya
Waislamu na Maquraish na baina ya washirika (Allies) wa
Waislamu na washirika wa Maquraish.
(8) Hapana ruhusa ya kutengua hata shuruti moja katika hizi
kabla ya miaka 10 kupita.
Kwa ujumla Waislamu hawakufurahishwa na baadhi ya
masharti ya mkataba hasa sharti la tano (5). Waliona kuwa
wamedhalilishwa na kuonewa.
Aidha Maquraish walionesha tabia ya dharau kwa Mtume
(s.a.w), walikataa asitajwe kama Mtume wa Mwenyezi Mungu bali,
itajwe kuwa ni mkataba baina ya Muhammad bin Abdillahi na
Maquraish (waliwakilishwa na Suhail bin ‘Amr). Si hivyo tu, bali
kabla hata mkataba haujatiwa sahihi alitokea Abu Jandal bin
Suhail bin ‘Amr akakimbilia kwa Waislamu. Yeye alisilimu Makka
na sasa anakimbia mateso. Suhail alimkamata na kumcharaza
bakora kisha kumrudisha Makkah akaendelee kuteswa. Waislamu
walimhurumia na kuomba asihusishwe na kifungu cha tano (5) cha
mkataba lakini Suhail alikataa vinginevyo mkataba wa amani
uvunjike. Mtume (s.a.w) alimsihi Abu Jandal afanye subira na
arudi Makkah.
Amani iliyopatikana baada ya mkataba wa Hudaibiya
ilirahisisha maingiliano kati ya makafiri wa Makkah na Waislamu
wa Madina. Kabla ya mkataba, Waislamu wa Madina na makafiri
wa Makkah walikuwa na uhasama mkubwa. Hapakuwa na
maingiliano ya kidugu wala kirafiki. Lakini baada ya mkataba huo
watu wa Makkah walizuru Madinah kwa ajili ya biashara na
kuwatembelea ndugu zao. Katika maingiliano haya Maquraysh
walipata fursa ya kushuhudia ubora wa maisha ya jamii ya
Kiislamu na walivutiwa sana na tabia na maadili ya Waislamu. Pia
182