Download - islamic education panel

(ii) Kusengenyana, kudhaniana vibaya na
kupekuana
Kusengenya ni jambo ovu mno linalovuruga upendo na
udugu katika kundi la Waislamu. Kusengenya ni kuongea juu ya
ndugu yako yale ambayo asingaliyapendelea kuyasikia kama
angelikuwepo, hata kama hayo yanayoongelewa ni ya kweli.
Abu Hurairah amesimulia kuwa Mtume wa Allah aliuliza:
Wote mnajua kusengenya ni nini? Walijibu (Waislamu)
Allah na Mtume wake ndio wajuzi zaidi. Akasema:
maongezi juu ya ndugu yako ambayo hayapendi. Aliulizwa:
Je, kama kile kinachozungumzwa ni kweli juu ya ndugu
yangu? Akajibu: Kama hilo unalomsengenya kwalo analo,
bado utakuwa umesengenya, na kama hilo unalosema
hanalo, basi utakuwa umemzulia. (Muislamu).
Uislamu umekemea vikali kusengenya kama tunavyojifunza
katika aya zifuatazo:
Adhabu kali itamthubutikia kila mwenye kulamba kisogo,
msengenyaji… (104:1)
Enyi mlioamini! Jiepusheni sana na dhana (mbaya) kwani
dhana ni dhambi. Wala msipeleleze (habari za watu). Wala
baadhi yenu wasiwasengenye wengine. Je! Mmoja wenu
anapenda kula nyama ya nduguye aliyekufa? La, hapendi.
Na Mcheni Mwenyezi Mungu. Bila shaka Mwenyezi Mungu
ni Mwenye kupokea toba, Mwingi wa kurehemu. (49:12)
96