Download - islamic education panel

Sifa za Mwanaharakati wa Kiislamu
Zifuatazo ni sifa kuu anazostahiki kusifika kwazo Mwanahara
kati wa Kiislamu:
1. Ujuzi sahihi juu ya Uislamu
2. Imani thabiti juu ya Uislamu
3. Tabia njema (tabia ya utendaji)
4. Kusimamisha Uislamu kuwa ndio lengo kuu la Maisha.
5. Kutarajia malipo kutoka kwa Allah (s.w) tu.
6. Kuwa na subira
7. Kuwa na Hekima
1. Ujuzi sahihi juu ya Uislamu
Waislamu walio wengi wameridhika na Elimu ya Fiq-hi
inayowawezesha kutekeleza Ibada maalum tu kama vile: Swala,
Zakat, Swaumu, Hija, Ndoa, Talaka, Mirathi n.k. Kwa hiyo
Waislamu walio wengi hawajui uchumi wa Kiislamu ukoje,
mtazamo wa Uislamu juu ya siasa ni upi, Uislamu unautazamaje
utamaduni n.k. Kwa ujumla Waislamu walio wengi hawana
mtazamo sahihi wa Uislamu juu ya vipengele mbalimbali vya
maisha ya jamii.Hivyo Mwanaharakati hana budi kuufahamu
Uislamu kwa upana wake. Haina maana kuwa kila mtu anayetaka
kulingania Uislamu katika jamii ni lazima awe amebobea
kitaaluma katika kila kipengele muhimu cha maisha ya jamii ya
Kiislamu bali hana budi kuwa na kiwango cha ujuzi
kitakachomuwezesha kuishi Kiislamu katika kila kipengele cha
maisha yake ya kibinafsi na yakijamii.
Kwa maana nyingine ili kuhuisha Uislamu katika jamii na
yapatikane mfanikio yanayotarajiwa Mwanaharakati hana budi kuwa
na Elimu ya msingi juu ya:
Lengo na Hadhi ya binaadamu hapa ulimwenguni
Mtazamo wa Uislamu juu ya Elimu
Mtazamo wa Uislamu juu ya Dini.
64