Download - islamic education panel

(Anasema Mwenyezi Mungu kuwaambia wanaadamu tangu
hao wa zamani huko): Enyi wanaadamu! Hakika
tumekuteremshieni nguo zifichazo tupu zenu na nguo za
pambo; na nguo za utawa (yaani kumcha Mungu) ndizo
bora”. Hayo ni katika ishara za (neema za) Mwenyezi
Mungu ili wapate kukumbuka.(7:26)
“Enyi wanaadamu. Shetani (Iblisi) asikutieni katika matata. Kama
alivyowatoa wazee wenu katika Pepo; akawavua nguo zao ili
kuwaonyesha tupu zao. Hakika yeye pamoja na kabila yake
wanakuoneni, na hali ya kuwa hamuwaoni”. Bila shaka sisi
tumewajaalia shetani kuwa marafiki kwa wale wasioamini. (7:27).
Tukizingatia aya hizi kwa makini mambo yafuatayo
yanajitokeza:
Kwanza, Shetani alilaaniwa kwa sababu ya kukataa kutii
amri ya Allah (s.w). Na alikataa kwa sababu alijidhani kuwa yu
bora kuliko binaadam. Ubora huo aliuhusisha na kabila lake. Yaani
yeye ni jinni na viumbe wa kabila la majini wameumbwa kwa moto
na viumbe wa kabila la binadamu wameumbwa kwa udongo.
Moto, alihisi iblisi, ni bora kuliko udongo, hivyo alikataa kutii
amri ya Mola wake.
Mtu kulitukuza kabila lake, au rangi yake, au nasaba yake au
taifa lake na wakati huo huo kulibeza kabila, rangi, nasaba au taifa
la mwenzake ni katika mwenendo wa shetani. Ni kibri kisichokuwa
na msingi wowote na matokeo ya fikra hizi za kishetani yamekuwa
ni chuki, bughudha na umwagaji damu usiokwisha katika dunia.
Watu wengi wamedhulumiwa na wanaendelea kuteseka na hata
164