Download - islamic education panel

(vii) Subira
Kiongozi katika dola ya Kiislamu anatakiwa awe mwenye
subira, mvumilivu na mstahimilivu. Kiongozi atekeleze wajibu
wake ipasavyo na asitarajie kupendwa na kufurahiwa na watu
wote. Waumini wa kweli tu ndio watakaomfurahia na kumsaidia
atakapowaongoza kwa mujibu wa Qur-an na Sunnah. Lakini
wanafiki, wenye husuda, wapenda vyeo na sifa na maadui wote wa
Uislamu hawawezi kamwe kumfurahia kiongozi wa Kiislamu
muadilifu. Kiongozi wa Kiislamu hana budi kukumbuka kuwa
anafanya kazi ile ile ya Mtume (s.a.w). Arejee historia ajikumbushe
maudhi na vitimbi vya kila namna alivyofanyiwa Mtume wa Allah
na makafiri wa Makkah na Mayahudi na Wanafiki wa Madina.
Kisha katika uongozi wake anapokumbana na matatizo ya
kutukanwa, kusingiziwa, kupuuzwa n.k. ajiulize: “Je haya
yaliyonifika yanaweza kulinganishwa na yale yaliyomfika Mtume
wa Allah” Pia kiongozi wa Kiislamu anayejitahidi kutekeleza
wajibu wake kwa mujibu wa Qur-an na Sunnah, hana budi
kukumbuka kuwa malipo ya kazi yake yapo kwa Allah (s.w) na
ndiye pekee anayewajibika kumuogopa na kutaka radhi yake.
(viii) Uoni wa mbali
Kiongozi ni lazima awe na mtazamo wa mbali, ajue
anakoipeleka jamii ya Waislamu na aweze kubuni program za
kuifikisha jamii huko. Hapa tunakusudia kuwa kiongozi wa
Kiislamu awe na lengo la kusimamisha Uislamu katika jamii au
ajue namna ya kulifikia lengo hilo. Hii ni pamoja na kuweza
kutambua vikwazo na hatari zilizo mbele yao na kubuni mbinu na
program za kukabiliana nazo.
(ix) Uwezo wa Kubuni Mipango
Kiongozi wa Kiislamu awe na uwezo wa kubuni mipango
inayotekelezeka na mbinu bora za kufikia yale anayoyaona mbele.
(x) Uwezo wa Kuunganisha Nguvu Kazi
Kiongozi wa Kiislamu anatakiwa awe na uwezo wa
kuunganisha nguvu kazi na yale yote yanayohitajika kufanikisha
196