Download - islamic education panel

Mwanaharakati atakapojiingiza katika kazi hii ya Mitume
kwa matarajio ya kupata maslahi ya kidunia, kamwe asitarajie
kufikia lengo la kuusimamisha Uislam katika jamii.
6. Kuwa na Subira
Subira ni kipengele cha tabia njema chenye maana pana.
Hapa tutaona miongoni mwa maeneo ya subira anayotarajiwa
kuyapitia mwanaharakati:
(i) Kutokuwa na haraka katika kutoa maamuzi.
Mwanaharakati anatakiwa anapopata jambo asilitolee uamuzi
haraka haraka kabla ya kufikiri vya kutosha na kupata ushauri wa
kutosha kutoka kwa watu anaowategemea kwa ujuzi wao na
uadilifu wao. Uamuzi wa jazba hautakikani katika harakati za
kuhuisha na kusimamisha Uislamu katika jamii.
(ii) Kutokuwa na haraka ya kupata matunda ya
harakati. Mwanaharakati asiwe na haraka ya kutaka kuona
mabadiliko ya haraka haraka katika jamii kutokana na kazi yake.
Anatakiwa kuifanya kazi hii kwa muda wote wa maisha yake kwa
lengo la kuusimamisha Uislamu bila ya kukatishwa tamaa na
chochote. Mwanaharakati bila ya kuwa na msimamo huu, kazi hii
itamshinda na atakuwa miongoni mwa waliokata tamaa na Rehma
ya Allah (s.w).
.....
“...... wala msikate tamaa na Rehema ya Mwenyezi Mungu
Na hawakati tamaa na rehma ya Mwenyezi Mungu
isipokuwa makafiri”.(12:87)
(iii) Ni katika subira vile vile mtu kubakia na uamuzi
wake mwema mpaka hatua ya mwisho. Mwanaharakati
anatakiwa awe na msimamo thabiti katika kazi yake hii ya
72