Download - islamic education panel

hawasaidiani na Matwaghuti katika kuukandamiza Uislamu na
Waislamu na kuhakikisha kuwa Uislamu hausimami katika jamii? Je,
baadhi ya viongozi wa Waislamu hawashirikiani bega kwa bega na dola
za Kitwaghuti katika kuuhujumu Uislamu na Waislamu? Kwa ujumla,
ukiichunguza jamii yetu hii ya Waislamu, utaona kuwa wengi
wanaojiita Waislamu ni wanafiki wanaouhujumu Uislamu kwa njia
moja au nyingine.
Waislamu walio wengi katika jamii hii ni wanafiki kwa sababu ya
kutoufahamu vyema Uislamu. Waislamu wengi hawafahamu Uislamu
uliofunuliwa katika Qur-an na Sunnah ya Mtume (s.a.w), bali wengi ni
Waislamu wa kufuata mkumbo. Wengi Uislamu wao ni ule wa kufuata
Masheikh bila ya kujua kuwa wengi katika hao masheikh wameitumia
dini kama bidhaa ya kufanyia biashara kwa ajili ya maslahi ya dunia.
Juu ya Masheikh, Allah (s.w) anatutanabahisha katika aya ifuatayo:
............................
Enyi mlioamini! Wengi katika Makasisi (wanazuoni) na
Mayahudi na Watawa (viongozi wa wakristo) wanakula mali za
watu kwa batwili na kuwazuilia njia ya Mwenyezi
Mungu…..................... (9:34)
Je, wengi wa Masheikh wetu hawana tabia hii ya Masheikh wa
Kiyahudi na Kinaswara? Je, hatuoni, Waislamu hivi leo
wamegawanyika katika makundi mbali mbali, yaliyoundwa na
Masheikh kwa ajili tu ya kuwa na watu wa kuwanyonya? Je, hatuoni
leo hii Waislamu wakigombana na kufarakana kutokana na vitu
ambavyo si vya msingi kabisa wa Dini ambavyo vimepachikwa na
Masheikh kwa ajili tu ya maslahi ya dunia?
Ni dhahiri kuwa Masheikh wetu walio wengi wana mwenendo
ule ule wa Makasisi na Mapadri wa kuwanyonya wafuasi wao na
152