Download - islamic education panel

Mwanaharakati hana budi kujiepusha mbali na maneno ya
kishetani ya wale wahubiri wasemao “Tusikilizeni na kufuata
maneno yetu lakini msifuate matendo yetu”. Kwa kawaida
mwanaadam huvutiwa zaidi na vitendo vya mtu kuliko maneno
yake. Kwa hiyo maneno yanayopingana na matendo ya mlinganiaji
yanakuwa chukizo kubwa mbele ya Allah (s.w) na wasikilizaji.
4. Kusimamisha Uislamu kuwe ndio lengo kuu
la maisha.
Mwanaharakati wa Kiislamu hana budi kufahamu nafasi ya
waumini katika jamii kuwa ni makhalifa wa Allah (s.w). Hivyo lengo
kuu la kila muumini ni kusimamisha Uislamu katika jamii,
kuuendeleza na kuulinda. Endapo Muislamu atajiwekea malengo
mengine ya maisha au akazifanya shughuli zake za kutafuta maslahi ya
maisha ya dunia kuwa ndio lengo kuu la maisha yake, basi ajue kuwa
amestahiki ghadhabu za Allah(s.w) kama inavyobainishwa katika aya
ifuatayo:
“Sema: kama baba zenu na wana wenu na ndugu zenu na wake
zenu na jamaa zenu na mali mlizochuma na biashara
mnazoogopa kuharibikiwa na majumba mnayoyapenda (ikiwa
vitu hivi) ni vipenzi zaidi kwenu kuliko Mwenyezi Mungu na
Mtume wake na kupigania Dini yake, basi ngojeni mpaka
Mwenyezi Mungu alete Amri yake. Na Mwenyezi Mungu
hawaongozi watu maasi. “(9:24)
Muislamu wa kweli hatakiwi akathamini kitu chochote au jambo
lolote lisilomfikisha kwenye kusimamisha Uislamu na kuudumisha
69