Download - islamic education panel

Sura ya Nne
KUNDI LA HARAKATI ZA KIISLAMU
Ni lipi kundi la Harakati
Kundi la Harakati ni kundi lililo anzishwa na wanaharakati
kwa lengo la kulingania na kusimamisha Uislamu katika jamii.
Umuhimu wa kuwepo Kundi la Harakati
Kila Muislamu lazima afahamu kuwa, hakuna Uislamu wa mtu
binafsi. Kama Uislamu haujasimamishwa katika jamii mtu mmoja
mmoja hawezi kuufuata Uislamu katika kukiendea kila kipengele
cha maisha yaki kibinafsi na kijamii kama anavyoagiza Allah (s.w):
“Enyi mlioamini! Ingieni katika Uislamu wote (kwa kufuata
hukumu zote) wala msifuate nyayo za Sheitwan, kwa hakika
yeye kwenu ni Adui dhahiri” (2:208)
Mtu mmoja hawezi kuuingia Uislamu wote kwa sababu kuna
vipengele vingi vya kijamii ambavyo mtu binafsi hawezi kuvitekeleza
kwa kufuata mwongozo wa Qur-an na Sunnah, bali inabidi afuate
nyayo za Shetani kwa kufuata utaratibu wa maisha uliowekwa na
“matwaghuti” au wachupaji mipaka ya Allah (s.w). Kwa mfano, katika
miongozo ya “Kitwaghuti” uchumi umejengwa juu ya misingi ya riba,
kamari, ulevi, hongo, ulaghai, dhulma, ulanguzi, n.k. Waislamu binafsi
wanaoishi katika jamii hizo hawana namna ya kujivua na uchumi huo
haramu wakiwa katika hali ya mtu mmoja mmoja na kwa vyovyote vile
kipato chao kwa njia moja au nyingine kitatokana na Riba, Kamari,
81