Download - islamic education panel

Kwa mfano mipango ya Kistratejia kwa Waislamu wa
Tanzania sasa ni kuwaelimisha Waislamu ili (a) Waujue Uislamu
kwamba ndio mfumo pekee sahihi wa maisha wanaopaswa
kuufuata. (b) Kuijua hadhi yao kama Makhalifa wa Allah (s.w)
hapa ardhini. (c) Waweze kujenga na kuendesha taasisi muhimu
za Kiislamu, kusimamia elimu, uchumi, maadili na masuala mbali
mbali ya kijamii. (d) Waweze kushikamana na kuwa tayari kujitoa
muhanga kuupigania Uislamu kwa mali na nafsi zao.
Kwa kuwa na mpango wa Kistratejia Waislamu wanatakiwa:
Kwanza kushikamana wote katika kuendea mpango huo.
Hata kama itakuwepo tofauti ndogo ndogo miongoni mwao au
miongoni mwa jumuiya na taasisi zao, wasiruhusu vivunje
mshikamano wao katika kuendea lengo hili.
Pili, wasipoteze rasilimali zao ikiwa ni akili zao, nguvu zao
na mali zao katika jambo lisilowapeleka katika mpango huu wa
Kistratejia.
Tatu, wasikubali kutolewa katika agenda yao. Mara nyingi
maadui wamekuwa wakiwachezea Waislamu kwa kuwaletea
agenda ambazo zinawashughulisha badala ya kutizama mipango
yao. Kwa mfano wanaweza kuja na agenda ya kuwa na Kadhi,
Waislamu wakapoteza muda kulumbana juu ya umuhimu wa kuwa
na Kadhi na nani awe Kadhi. Inapotokea jambo kama hilo,
Waislamu wanatakiwa wajiulize je, linawasaidiaje kukamilika kwa
mpango wao wa kistratejia. Kama haliwasaidii lolote, waliache
kama lilivyo na waunde kikundi cha watu wachache
kulishughulikia, huku nguvu kubwa ikiendelea na mpango uliopo.
Nne, wawe tayari kusamehe au kutoa sadaka baadhi ya haki,
maslahi na fursa zao kwa ajili ya manufaa makubwa ya lengo lao la
kistratejia.
180