Download - islamic education panel

Hongo, Dhulma, Ulevi, n.k. Huo ni mfano mmoja tu wa uchumi, kuna
masuala ya Sheria na Hukumu za Kijahili, Utamaduni wa Kijahili,
Siasa za Kitwaghuti na mifumo mingine ya Kitwaghuti katika kila fani
ya maisha ya jamii.
Kutokana na hali hii ipo haja ya kuusimamisha Uislamu
katika jamii ili kuwawezesha Waislamu kukiendea kila kipengele
cha maisha ya kibinafsi na kijamii kwa kufuata baraabara
muongozo wa Qur-an na Sunnah.
Kazi ya kusimamisha Uislamu katika jamii haiwezi kamwe
kufanikishwa na nguvu ya mtu mmoja mmoja. Mitume wa Allah
(s.w) hawakuweza wao wenyewe kufanikisha mpaka walipopata
wafuasi waliosaidiana nao bega kwa bega. Hivyo jukumu la
kuusimamisha na kuuendeleza Uislamu liko juu ya mabega ya
waumini wote katika jamii.
Waislamu wataweza kutekeleza jukumu hili endapo tu
watakuwa wameungana pamoja na kuwa umma mmoja au endapo
tu watatekeleza amri ya Allah (s.w) ifuatayo:
....................
“Na shikamaneni kwa kamba (dini) ya Allah nyote wala
msifarikiane…” (3:103)
Bila shaka Waislamu wakitekeleza hili watakuwa umma
wenye nguvu na uwezo wa kusimamisha Uislamu katika jamii
kama Allah (s.w) anavyotuthibitishia:
..................
“Nyinyi ndio umma bora kuliko umma zote
zilizodhihirishiwa watu (ulimwenguni) mnaamrisha yaliyo
mema na mnakataza yaliyo maovu na mnamwamini
Mwenyezi Mungu...........” (3:110)
82