Download - islamic education panel

(vi) Yaliyotolewa kwa kutumia lugha ya msikilizaji. Ni
katika uzembe na ukosefu wa hekima kuwafikishia watu
ujumbe kwa lugha wasiyoifahamu. Kwa mfano, ni
uzembe wa hali ya juu kutumia lugha ya kiarabu
kuwafikishia ujumbe watu wasiojuwa kiarabu.
Ulinganiaji wa namna hiyo ni kama kutwanga maji
kwenye kinu. Ni katika Sunnah ya Allah (s.w)
kuwafikishia watu ujumbe wa Uislamu kwa lugha zao
kupitia kwa Mtume anayetokana na wao kama
tunavyojifunza katika Qur’an:
‘’Hatukumpeleka Mtume yeyote isipokuwa kwa lugha ya
watu wake ili apate kuwabainishia (vizuri). Kisha Mwenyezi
Mungu anamuacha kupotea amtakaye (kwa kuwa mwenyewe
hataki kuongoka) na kumuongoza amtakaye (kwa kuwa
mwenyewe yuko tayari kuiendea njia ya uongofu).
Naye ni Mwenye nguvu, Mwenye hikima.” (14:4)
Kwa mnasaba wa aya hii ilibidi Mtume (s.a.w) ashushiwe
Qur’an kwa lugha ya Kiarabu cha Kiquraish ili apate kuwabainishia
jamaa zake wa karibu (Maquraish) ambao walipaswa kusaidiana
naye kuufikisha ujumbe huo kwa walimwengu wote. Mtume (s.a.w)
angeshushiwa Qur’an kwa lugha isiyo ya kiarabu, ingelikuwa ni
sababu tosha ya jamaa zake kumkataa kama Allah (s.w)
anavyotubainishia:
130