Download - islamic education panel

Maana ya kislamu na matunda yake katika jamii.
Imani ya Kislamu na tafsiri yake katika utendaji wa maisha
ya kila siku.
Lengo la nguzo za Uislamu.
Maisha ya Familia ya Kiislamu.
Uislamu katika kila kipengele cha Maisha ya jamii.
Historia ya kuhuishwa Uislamu kuanzia Nabii Adam (a.s)
hadi hivi leo.
Ili kupata elimu ya msingi juu ya Uislamu, msomaji
anashauriwa asome Juzuu 7 za Maarifa ya Uislamu Darasa la Watu
Wazima zinazotolewa na Islamic Propagation Centre (IPC)
Zimeandaliwa kwa kufuata mtaala maalumu wenye lengo la
kuandaa Makhalifa wa Allah(s.w.)
2. Imani thabiti juu ya Uislamu.
Kazi hii takatifu ambayo wakati mwingine inamtaka
Mwanaharakati atoe uamuzi wa kujitoa muhanga kwa mali yake na
nafsi yake, haiwezekani ikafanywa kwa ufanisi na mtu mwenye
imani haba juu ya Uislamu au mwenye imani ya
kuyumbayumba.Yeyote yule anayejitoa mbele kufanya kazi hii,
hana budi kuwa na imani thabiti juu ya kuwepo Allah (s.w)
pamoja na sifa zake na utukufu wake, pia hana budi kuwa na
imani thabiti juu ya kuwepo siku ya Hukumu na maisha ya
Akhera.
Mwanaharakati lazima awe na yakini kuwa njia sahihi pekee
ya maisha ni ile tu iliyofundishwa na kuelekezwa na Mtume (s.a.w).
Chochote kisichokuwa katika njia hii ni kiovu na batili.Kipimo
pekee cha kupimia usahihi wa maoni au jambo jipya
lililowakilishwa na yeyote yule ni Kitabu cha Allah(s.w) na
Sunnah ya Mtume wake.
Hivyo Mwanaharakati atakapokuwa na Imani thabiti juu ya
vipengele vya nguzo za Imani ndipo atakapoweza kuuhuisha na
65