Download - islamic education panel

(iii) Kuchangamkiana
Kuchangamkiana kila mnapokutana ni jambo linalopalilia
udugu na upendo nyoyoni mwa Waislamu. Jambo hili linatiliwa
mkazo na Hadith ifuatayo:
Jabir (r.a) ameeleza kuwa Mtume wa Allah amesema: “Kila
kitendo kizuri ni sadaqa, na ni miongoni mwa kitendo chema
kuwa unakutana na ndugu yako (Muislamu) kwa uso
mchangamfu, na kwamba unamimina kutoka kwenye ndoo
yako kwa ndoo ya ndugu yako”. (Ahmed, Tirmiz).
(iv) Kupeana zawadi
Kupeana zawadi mara kwa mara ni jambo linalojenga udugu
na upendo nyoyoni mwa Waislamu. Umuhimu wa kupeana zawadi
unabainika katika Hadithi ifuatayo:-
Aysha (r.a) amesimulia kuwa Mtume wa Allah amesema:
“Peaneni zawadi kwani zawadi inaondoa chuki”. (Tirmidh)
(v) Kusuluhishana
Waislamu wanapoingiliwa na Shetani wakagombana, mara
baada ya kutulia, wanalazimika wasuluhishane na kusameheana.
Kila wakati Waislamu wanatakiwa wawe katika upendo na amani
kama Hadithi ifuatayo inavyosisitiza:
Abu Hurairah (r.a) amesema kuwa Mtume wa Allah
amesema:“Hamtaingia Peponi mpaka muamini; na
hamtakuwa wenye kuamini mpaka mpendane. Je,
nisikufahamisheni jambo ambalo mkilifanya mtaweza
kupendana? Enezeni (dumisheni) amani miongoni mwenu.
(Muslim).
Kwa mujibu wa mafundisho ya Mtume (s.a.w) Waislamu
hawaruhusiwi kununiana kiasi cha kutotoleana salaam kwa zaidi
ya siku tatu.
90