Download - islamic education panel

Tuchukulie mfano wa jumuiya ya Kiislamu iliyoamua
kujenga shule ya awali zahanati na kuwa na mfuko wa kuwasaidia
vijana na akina mama. Tuangalie utekelezaji wa mipango hiyo kwa
kujibu maswali manane.
(1) Nini lengo la mipango hiyo:
(a) Shule ya awali: kuwapa watoto malezi bora ya
Kiislamu.
(b) Zahanati: kutoa huduma za afya kwa Waislamu na
watu wengine.
(c)Mfuko wa Misaada ya kiuchumi: kuwapa vijana na
akinamama wa Kiislamu nguvu za kiuchumi ili waweze
kujitegemea.
(2) Kwanini malengo hayo ni muhimu?
Kujenga jamii yenye maadili ya Kiislamu na
inayojitegemea kwa huduma za afya na kiuchumi.
(3) Nani watekelezaji na watakaonufaika na mipango hiyo:
(a) Shule ya awali: Watoto wa Waislamu waishio jirani na
shule.
(b) Zahanati: Waislamu na watu wengine.
(c) Mfuko wa misaada: Vijana na akinamama wa
Kiislamu wenye kuupigania Uislamu lakini wasio na
kipato cha kumudu maisha yao.
Katika kujibu swali hili, jumuiya inayohusika ni lazima pia
ionyeshe watu watakaohusika kusimamia kila mradi na
majukumu ya kila mmoja wao.
(4) Vipi au malengo yatafikiwaje? Hapa ni lazima
ionyeshwe mipango yote ya kiutekelezaji mfano:
Utafutaji wa kiwanja. Ukusanyaji wa fedha, ununuzi wa
vifaa, upatikanaji wa wataalamu na usimamizi kwa ujumla.
174